రైల్వే కోడూరు కోర్టుకు హర్షవీణ.. హైకోర్టు ఆదేశాలతో బెయిల్ షూరిటీలు దాఖలు

దిశ, వెబ్ డెస్క్: జనసేన ఎమ్మెల్యే అరవ శ్రీధర్(Jana Sena MLA Arava Sridhar) బాధితురాలు రైల్వే కోడూరు కోర్టు(Railway Kodur Court)కు హాజరయ్యారు. తన కుమారుడిని హర్ష వీణ వేధిస్తోందని ఎమ్మెల్యే తల్లి ప్రమీలమ్మ రైల్వే కోడూరు పోలీస్ స్టేషన్‌లో ఫిర్యాదు చేశారు. అయితే ఈ కేసులో ఇప్పటికే హర్షవీణ హైకోర్టు(High Court) నుంచి బెయిల్(Bail) పొందారు. కానీ ఇందుకు సంబంధించిన షూరిటీలు మాత్రం స్థానిక కోర్టులోనే సమర్పించాలని హైకోర్టు ఆదేశించింది. దీంతో ఈ కేసుకు సంబంధించి శుక్రవారం హర్షవీణ కోర్టుకు వెళ్లారు. బెయిల్ మంజూరుకు సంబంధించి షూరిటీలు దాఖలు చేశారు. అనంతరం హర్షవీణ అక్కడి నుంచి వెళ్లిపోయారు. అయితే ప్రతి శనివారం స్థానిక పోలీస్ స్టేషన్‌లో హాజరుకావాలని హర్షవీణను హైకోర్టు ఆదేశించింది. ఈ నేపథ్యంలో శనివారం రైల్వే కోడూరు పోలీస్ స్టేషన్‌లో హర్షవీణ హాజరై సంతకం చేయనున్నారు. కాగా యూట్యూబర్‌ను దాడి చేసి, నిర్బంధించిన మరో కేసులోనూ హర్షవీణ ఇప్పటికే బెయిల్‌పై ఉన్నారు.

హర్షవీణ కోర్టుకు హాజరైన దృశ్యాలు