ఏపీ ఉద్యోగ నియామకాల్లో కొత్త నిబంధనలు: స్థానికులకే 95 శాతం పోస్టులు
ఏపీ ప్రభుత్వం ప్రభుత్వ ఉద్యోగ నియామకాలకు సంబంధించి స్థానిక క్యాడర్ నిబంధనలను సవరించింది. గత ఏడాది జారీ చేసిన ఉత్తర్వుల్లో మార్పులు చేస్తూ తాజా ఆదేశాలను ఇచ్చింది. దీని ప్రకారం రాష్ట్రాన్ని ఆరు జోన్లు, మల్టీజోన్లుగా విభజించారు...
దిశ, వెబ్ డెస్క్: ఏపీ ప్రభుత్వం(Ap Government) ప్రభుత్వ ఉద్యోగ నియామకాల(Government Job Recruitment)కు సంబంధించి స్థానిక క్యాడర్ నిబంధనలను సవరించింది. గత ఏడాది జారీ చేసిన ఉత్తర్వుల్లో మార్పులు చేస్తూ తాజా ఆదేశాలను ఇచ్చింది. దీని ప్రకారం రాష్ట్రాన్ని ఆరు జోన్లు, మల్టీజోన్లుగా విభజించారు. నియామకాల్లో పారదర్శకత, స్థానికులకు ప్రాధాన్యత కల్పించే లక్ష్యంతో ఈ కొత్త క్యాడర్ వ్యవస్థను అమల్లోకి తెచ్చారు.
స్థానిక అభ్యర్థులకే 95 శాతం ఉద్యోగాలు
ఈ నూతన నిబంధనల ప్రకారం 95 శాతం ఉద్యోగాలను స్థానిక అభ్యర్థులకే కేటాయిస్తారు. మిగిలిన 5 శాతం పోస్టులు మాత్రమే ఓపెన్ కోటాలో (ఇతరులకు) అందుబాటులో ఉంటాయి. అభ్యర్థి యొక్క స్థానికతను వరుసగా నాలుగు సంవత్సరాల నివాసం లేదా విద్యాభ్యాసం ప్రాతిపదికన నిర్ధారిస్తారు. ఈ మార్పుల వల్ల స్థానిక యువతకు ప్రభుత్వ ఉద్యోగాల్లో అధిక అవకాశాలు లభించనున్నాయి.
