Prakasam Barriage: యువకుడి ఆత్మహత్యాయత్నం.. రక్షించిన ఎస్‌డీ‌ఆర్‌ఎఫ్

దిశ, డైనమిక్ బ్యూరో: విజయవాడ ప్రకాశం బ్యారేజ్ వద్ద పాత మంగళగిరికి చెందిన ఆటో డ్రైవర్ ఏ కృష్ణ అనే వ్యక్తి కుటుంబ కలహాలతో ఆత్మహత్య చేసుకోవాలని నిర్ణయించుకున్నాడు. ఇందులో భాగంగా ప్రకాశం బ్యారేజీ వద్ద నదిలో దూకి ఆత్మహత్యాయత్నానికి పాల్పడ్డాడు. ఈ విషయం గమనించిన ఆరో బెటాలియన్‌కి చెందిన ఎస్‌డీ‌ఆర్‌ఎఫ్ టీం హుటాహుటిన అక్కడికి వెళ్లి అతనిని రక్షించింది. అనంతరం ప్రాథమిక చికిత్స అందించింది. కృష్ణ పూర్తిగా కోలుకోవడంతో వన్ టౌన్ పోలీసులకు అప్పగించారు. ఈ విషయం తెలుసుకున్న అడిషనల్ డీజీపీ డా ఎస్‌బీ బాగ్చి, నగర పోలీస్ కమిషనర్ కాంతిరాణా టాటా, కమాండెంట్ సుబ్బారెడ్డిలు ఎస్డీఆర్ఎఫ్ సిబ్బందిని అభినందించారు.