‘చాలా మంచి ఆలోచన’.. తిరుపతి పోలీసులను అభినందించిన CM

దిశ, వెబ్‌డెస్క్: రోడ్డు ప్రమాదాల నివారణే లక్ష్యంగా, ద్విచక్ర వాహనదారుల్లో హెల్మెట్ వినియోగంపై అవగాహన కల్పించేందుకు తిరుపతి జిల్లా పోలీస్ శాఖ చేపట్టిన చర్యలు హర్షణీయమని ముఖ్యమంత్రి నారా చంద్రబాబునాయుడు(CM Chandrababu) అభిప్రాయపడ్డారు. ద్విచక్ర వాహనదారుల భద్రత కోసం "నో హెల్మెట్ – నో పెట్రోల్" నిబంధనను తీసుకు రావడం మంచి ఆలోచన అని అభిప్రాయపడ్డారు. దీనిపై ప్రజల్లో చైతన్యం తీసుకొచ్చేందుకు 700 మంది ద్విచక్ర వాహనాలపై పోలీసు సిబ్బందితో కలిసి హెల్మెట్ అవగాహన బైక్ ర్యాలీని ఘనంగా నిర్వహించదాన్ని సీఎం చంద్రబాబు అభినందించారు. ఈ అవగాహన ర్యాలీలో జిల్లా కలెక్టర్ డా. ఎస్. వెంకటేశ్వర్, జిల్లా ఎస్పీ ఎల్. సుబ్బరాయుడు స్వయంగా పాల్గొనడం ద్వారా మంచి సందేశాన్ని ఇచ్చారని ముఖ్యమంత్రి అన్నారు. ప్రజల భద్రత కోసం ప్రభుత్వం తెచ్చే నిబంధనలు, సూచనలు పాటించాలని ప్రజలను కోరారు.