తిరుమల భక్తులకు బిగ్ అలర్ట్.. అత్యవసర ఫోన్ నెంబర్లు ఇవే..?

దిశ, వెబ్ డెస్క్: తిరుమల(Tirumala)లో వైకుంఠ ఏకాదశి వేడుక(Vaikuntha Ekadashi celebration)లకు సర్వంసిద్ధమైంది. భక్తుల సౌకర్యార్థం ఇప్పటికే విస్తృత ఏర్పాట్లు చేశారు. శ్రీవారి ఆలయాల్లో ప్రత్యేక క్యూలైన్లు, చలువ పందిళ్లూ ఏర్పాటు చేశారు. సోమవారం అర్ధరాత్రి 12.05 గంటలకు తిరుప్పావై పాశురాలతో ఆలయంలోని బంగారు వాకిలి తలుపులను తెరవనున్నారు. వైకుంఠద్వారం వద్ద అర్చకులు పూజలు, హారతి సమర్పించనున్నారు. తోమాలపటంతో ప్రదక్షిణగా గర్భాలయానికి చేరుకుని మూలవిరాట్టుకు పుష్ప సమర్పణ కార్యక్రమం నిర్వహించనున్నారు. అనంతరం స్వామివారికి నిత్య పూజా కైంకర్యాలు ఏకాంత సేవలు నిర్వహిస్తారు.1. 30గంటలకు వైకుంఠ ద్వారాలు తెరుస్తారు. ఆ తర్వాత శ్రీవారి దర్శనానికి భక్తులను అనుమతిస్తారు. దీంతో వైకుంఠ ఏకాదశి స్వామి వారి దర్శనాలు ప్రారంభవుతాయి.. జనవరి 8వరకు ఈ దర్శనాలు కొనసాగుతున్నాయి.

అయితే భక్తులకు అన్ని సౌకర్యాలు కల్పించేలా టీటీడీ ఏర్పాటు చేసింది. ఏదైనా ఇబ్బంది కలిగినా లేదా సమాచారం కావాలన్నా సంప్రదించవలసిన ముఖ్యమైన అత్యవసర ఫోన్ నంబర్లను కూడా ఏర్పాటు చేసింది. ఈ నెంబర్లను ఫోన్‌లో సేవ్ చేసుకోవాలని భక్తులకు సూచించింది.

ప్రధాన సహాయ కేంద్రాలు (24/7 లభ్యత)

TTD హెల్ప్ లైన్ (టోల్ ఫ్రీ): 155257

విచారణ కార్యాలయం (Enquiry): 0877-2277777

వైద్య సహాయం (Medical Assistance)

తిరుమలలో అస్వస్థతకు గురైతే వెంటనే కింది నంబర్లను సంప్రదించండి:

అశ్విని ఆసుపత్రి (తిరుమల): 0877-2263457 / 2263458

అంబులెన్స్ సేవలు: 0877-2263666 (లేదా నేరుగా 108 కి డయల్ చేయండి)

మెయిన్ హాస్పిటల్ (తిరుపతి): 0877-2287777

భద్రత మరియు పోలీస్ (Security & Police)

దొంగతనాలు జరిగినా లేదా ఎవరైనా తప్పిపోయినా వీరిని సంప్రదించండి:

విజిలెన్స్ ఆఫీస్ (TTD Security): 0877-2263333

తిరుమల క్రైమ్ పార్టీ: 0877-2263939

తిరుమల వన్ టౌన్ పోలీస్ స్టేషన్: 0877-2263833

ట్రాఫిక్ పోలీస్ స్టేషన్: 0877-2263733

కళ్యాణకట్ట (తలనీలాలు): 0877-2263222

అన్నప్రసాదం సెంటర్: 0877-2263555

ముఖ్యమైన సూచనలు..

తప్పిపోయిన వారు: మీ కుటుంబ సభ్యులు ఎవరైనా తప్పిపోతే వెంటనే దగ్గరలోని Vigilance (విజిలెన్స్) ఆఫీసుకి వెళ్లి అనౌన్స్‌మెంట్ చేయించండి.

తిరుమలలో దాదాపు అన్ని చోట్లా ఆన్‌లైన్ పేమెంట్స్ అందుబాటులో ఉన్నాయి. కానీ నెట్‌వర్క్ సమస్యల దృష్ట్యా లేదా ఒక్కొక్కసారి సర్వర్లు పనిచేయకపోవడం వలన కొంత నగదు చేతిలో ఉంచుకోవడం ఉత్తమమని టీటీడీ అధికారులు తెలిపారు.