రహదారి విషయంలో ఘర్షణ.. పొట్టుపొట్టు కొట్టుకున్న వైసీపీ, టీడీపీ కార్యకర్తలు

దిశ, వెబ్ డెస్క్: రహదారి విషయంలో జరిగిన ఘర్షణలో వైసీపీ(Ycp), టీడీపీ(Tdp) కార్యకర్తలు పొట్టుపొట్టు కొట్టుకున్నారు. అనంతపురం జిల్లా గుమ్మగట్ట మండలం ఎర్రంపల్లి(Errampalli)లో జరిగింది. స్థానిక టీడీపీ కార్యకర్తలు శివానంద, వినోదమ్మ, సునందపై వైసీపీ నేతలు కర్రలతో దాడి చేశారు. ఈ దాడిలో ముగ్గురు కూడా తీవ్రంగా గాయపడ్డారు. దీంతో వారిని ఆస్పత్రికి తరలించారు. ఈ మేరకు గుమ్మగుట్ట పోలీస్ స్టేషన్‌లో టీడీపీ కార్యకర్తలు ఫిర్యాదు చేశారు. కేసు నమోదు చేసిన పోలీసులు నిందితులను అదుపులోకి తీసుకుని విచారిస్తున్నట్లు తెలుస్తోంది. మరోవైపు గ్రామంలో మరోసారి గొడవలు జరగకుండా పటిష్ట బందోబస్తు ఏర్పాటు చేశారు. ప్రస్తుతం పరిస్థితిని పరిశీలిస్తున్నారు.