కుక్క కాటుతో చికిత్స పొందుతూ చిన్నారి మృతి

దిశ, కళ్యాణదుర్గం: కుక్క కాటుకు చిన్నారి మృతి చెందారు. ఈ ఘటన ఆలస్యంగా వెలుగులోకి వచ్చింది. బ్రహ్మసముద్రం మండలం ముప్పుల కుంట గ్రామానికి చెందిన చిన్నారిని రెండు నెలల క్రితం కుక్క కరిచింది. అయితే అప్పటి నుంచి కూడా చిన్నారి అనారోగ్యంగానే ఉన్నారు. ఇటీవల కాలంలో చిన్నారి ఆరోగ్యం రోజు రోజుకు క్షీణించడంతో ఓ ప్రైవేటు ఆస్పత్రిలో చికిత్స చేయించారు. అయితే ఆరోగ్యం మరింత విషమించడంతో బెంగళూరు కిమ్స్‌లో చేర్చించారు. అయితే చికిత్స పొందుతూ చిన్నారి మృతి చెందారు. దీంతో ముప్పలకుంట గ్రామంలో విషాదఛాయలు అలుముకున్నాయి.