జాహ్నవిని చివరిసారి చూసింది ఇతనే.. ఆ వృద్ధ దంపతులు ఎక్కడికి తీసుకెళ్లారో...?

దిశ, వెబ్ డెస్క్: తూర్పుగోదావరి జిల్లా(East Godavari District) తుని(Tuni)లో చిన్నారి జాహ్నవి అదృశ్యం అయిన విషయం తెలిసిందే. పోలీసులు, ఎన్డీఆర్ఎఫ్ బృందాలు ఎంత గాలించినా ఆచూకీ లభ్యం కాలేదు. అయితే ఓ యూట్యూబ్‌‌ చానల్‌లో వచ్చిన పోస్టు మాత్రం చిన్నారి మిస్సింగ్ మిస్టరీని మలుపు తిప్పింది. చిన్నారిని వృద్ధదంపతులు తీసుకెళ్లుండగా తాను రాజమండ్రిలో చూశానని ఓ యూట్యూబ్ చానల్‌ మెసేస్ బాక్సులో జీసెస్ అనే పేరుతో గుర్తు తెలియని వ్యక్తి మెసేజ్ చేశారు. దీన్ని ఓ యువతి గమనించి వెలుగులోకి తీసుకొచ్చారు. ఇప్పుడు ఈ మెసేజ్ ఆధారంగా చిన్నారి ఆచూకీ గుర్తించవచ్చని ఆమె అన్నారు. ముందుగా ఆ వ్యక్తి అకౌంట్‌ను గుర్తిస్తే అతనెవరో తెలుసుకోవచ్చని తెలిపారు. అతను చెప్పిన విధంగా సీసీ ఫుటేజులను పరిశీలిస్తే చిన్నారి జాహ్నవిని తీసుకెళ్లిన వ్యక్తులను గుర్తించవచ్చని ఆ యువతి తెలిపారు. ‘‘చిన్నారి జాహ్నవిని ఎక్కడ చూశారు.. ఏ బస్సులో తీసుకెళ్లారు. వాళ్లు ఎవరు..?’ అనే విషయాలు బయటకు వస్తాయని ఆ యువతి పేర్కొన్నారు. అయితే ఆ మెసేజ్‌ను తన సోదరి యూట్యూబ్ ఛానల్‌లో చూసిందని, తనకు చెప్పడంతో ఈ విషయాన్ని తాను వెలుగులోకి తీసుకొచ్చానని యువతి తెలిపారు. ఇప్పటికైనా చిన్నారి జాహ్నవి దొరకాలని ఆమె కోరుకున్నారు.