అర్జెంటీనాలో క‌వ‌చమున్న డైనోసార్లను క‌నుగొన్న శాస్త్ర‌వేత్త‌లు
దిశ, వెబ్‌డెస్క్ః డైనోసార్లు అంత‌రించిపోయి కోట్ల సంవ‌త్స‌రాలు అవుతున్న‌ప్ప‌టికీ వాటి ఉనికి గురించిన ఆస‌క్తి మ‌నిషిని లోలోతు ప‌రిశోధ‌న‌ల‌కు ఉసిగొల్పుతుంది. ఈ క్ర‌మంలో అర్జెంటీనాలో క్రెటేషియస్ కాలానికి చెందిన ఒక చిన్న కవచంతో కూడిన డైనోసార్‌ను పాలియోంటాలజిస్టులు కనుగొన్నారు. 1.5 మీటర్ల కంటే తక్కువ పొడవు, 4.5 నుండి 7 కిలోల బరువుతో ఉన్నట్లు అంచనా వేస్తున్న చిన్న థైరోఫోరాన్ డైనోసార్‌గా గుర్తిస్తున్న జకపిల్ కనికురాను పరిశోధకులు కనుగొన్నారు. దీనికి సంబంధిచిన వివ‌రాల‌ను సైంటిఫిక్ రిపోర్ట్స్ జర్నల్‌లో ప్రకటించారు. "అర్జెంటీనాలో జకాపిల్ ఆవిష్కరణ దక్షిణ అర్ధగోళానికి పూర్తిగా కొత్త థైరోఫోరాన్ వంశాన్ని చూపుతుంది" అని ఈ నివేదిక‌లో పేర్కొన్నారు.
ఈ డైనోసార్ శిలాజం అర్జెంటీనాలోని రియో నీగ్రో ప్రావిన్స్‌లోని ఒక ఆనకట్ట సమీపంలో తవ్వకాలు జ‌ర‌ప‌గా బ‌య‌ట‌ప‌డింది. ఈ జకపిల్ కనికురాను అర్జెంటీనా పటగోనియా నుండి వచ్చిన మొదటి ఖచ్చితమైన థైరోఫోరాన్ జాతిగా పిలుస్తున్నారు. ఇక, డైనోసార్లు గతంలో అనుకున్నదానికంటే చాలా విస్తృతమైన భౌగోళిక వ్యాప్తిని కలిగి ఉన్నట్లు పరిశోధకులు తెలిపారు. ప్రారంభ ద‌శ జురాసిక్ సమయంలో ఉత్తర భూభాగాల్లో సాయుధ బేసల్ థైరోఫోరాన్స్‌కు సంబంధించిన విస్తృతమైన వ్యాప్తి, వేగవంతమైన మార్పును దీని నుండి అర్థం చేసుకోవ‌చ్చిని అధ్యయనం తెలిపింది.
దాదాపు 100 మిలియన్ సంవత్సరాల క్రితం డైనోసార్ నిటారుగా నడిచిందని నమ్ముతారు. ఇది థైరోఫోరాన్ డైనోసార్ సమూహంలో భాగమని పరిశోధకులు తెలిపారు. ఇందులో స్టెగోసారస్ అస్థి వెనుక పలకలు, స్పైకీ తోకను కలిగి ఉన్నట్లు తెలిసింది. డైనోసార్ల మూలం అధ్యయనంలో గోండ్వానన్ శిలాజానికి సంబంధించి ప్రాముఖ్యతను హైలైట్ చేస్తూ, జకాపిల్ ఆవిష్కరణ ప్రారంభ థైరోఫోరాన్ డైనోసార్ల కొత్త గోండ్వానాన్ వంశం ఉనికి ఉన్నట్లు చెబుతుంద‌ని పరిశోధకులు ప్ర‌త్యేకంగా చెప్పారు.
