సంతలో సర్పంచ్

దిశ, మామడ: మేకల సంతను వ్యాపారస్తులు, వినియోగదారులు సద్వినియోగం చేసుకోవాలని సర్పంచ్ భూమేశ్వర్, పీఏసీఎస్ చైర్మన్ హరీష్ కుమార్ లు అన్నారు. శనివారం మండలంలోని పోనకల్ గ్రామంలో మేకల సంతను వారు ప్రారంభించి మాట్లాడారు. వివాహాలు, పండుగలకు మేకలను కొనుగోలు చేయాలంటే సుదూర ప్రాంతాలకు వెళ్లి వాటిని తీసుకురావడానికి అనేక ఇబ్బందులు ఎదుర్కొంటున్నారని, ఇప్పుడు గ్రామంలో ఏర్పాటు చేయడం వల్ల దూర భారం తగ్గుతుందన్నారు. ప్రతి శనివారం మేకల సంతను నిర్వహించడం జరుగుతుందని వారు పేర్కొన్నారు. ఈ కార్యక్రమంలో వీడీసీ చైర్మన్ కిషన్, క్యాషియర్ నారాయణ, నాయకులు రాజారెడ్డి, ముత్యంరెడ్డి, లింగన్న, మనోహర్, నర్సారెడ్డి, వీడి సభ్యులు, గ్రామస్తులు పాల్గొన్నారు.