ప్రెస్ క్లబ్ నల్గొండ జిల్లా ఉపాధ్యక్షులుగా ఎన్నిక..

దిశ, కనగల్: నకిరేకల్ పట్టణంలో ఈ నెల 3న నిర్వహించిన టీయూడబ్ల్యూజే (ఐజేయూ) నల్లగొండ జిల్లా మూడవ మహాసభల్లో జిల్లా ప్రెస్ క్లబ్ కమిటీని ప్రకటించారు. ఈ సందర్భంగా కనగల్ మండలానికి ప్రాతినిధ్యం కల్పిస్తూ సీనియర్ పాత్రికేయుడు మల్లెపల్లి నరసింహను జిల్లా ప్రెస్ క్లబ్ ఉపాధ్యక్షుడిగా ఎంపిక చేశారు. టీయూడబ్ల్యూజే జిల్లా అధ్యక్షుడు గార్లపాటి కృష్ణారెడ్డి నియామక పత్రాన్ని అందజేశారు. ఈ సందర్భంగా మల్లెపల్లి నరసింహ మాట్లాడుతూ.. తన ఎన్నికకు సహకరించిన టీయూడబ్ల్యూజే జిల్లా కమిటీ, మండల కమిటీ సభ్యులు, సహచర పాత్రికేయ మిత్రులకు కృతజ్ఞతలు తెలిపారు. జిల్లా స్థాయిలో పాత్రికేయుల సమస్యల పరిష్కారం, సంక్షేమం కోసం కృషి చేస్తానని ఆయన పేర్కొన్నారు.