- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
మాజీ మంత్రి హరీష్ రావుతో నాకు ప్రాణహాని ఉంది
దిశ, సిద్దిపేట ప్రతినిధి : మాజీ మంత్రి తన్నీరు హరీష్ రావుతో ప్రాణహాని ఉందని కాంగ్రెస్ నేత గాదగోని చక్రధర్ గౌడ్ సంచలన ఆరోపణలు చేశారు. సిద్దిపేటలో ఆయన మీడియాతో మాట్లాడుతూ...రంగనాయక సాగర్ లో ఎమ్మెల్యే తన్నీరు హరీష్ రావు భూ కబ్జా, అక్రమాలను బయట పెట్టిన తనకు ఏ హాని జరిగినా హరీష్ రావే కారణమన్నారు. సిద్దిపేటలోని కొందరు రియల్ ఎస్టేట్ వ్యాపారులు, వైశ్యులు, వ్యాపారస్తులు, తన ఫోన్ తో పాటుగా, తన భార్య, తన ఇంట్లో పని చేసే వ్యక్తి ఫోన్లను గత ప్రభుత్వ హయాంలో హరీష్ రావు ట్యాప్ చేయించారని ఆరోపించారు.
సిద్దిపేట అసెంబ్లీ ఎన్నికల్లో అవకతవకలు జరిగినట్లు అనుమానాలు ఉన్నాయని ఈ విషయంలో హైకోర్టును ఆశ్రయిస్తా అన్నారు. అదే విధంగా హరీష్ రావు మామ హన్మంతరావు కొండపాక మండలంలో ప్రభుత్వ భూమిని ఆక్రమించాడని ఆరోపించారు. సిద్దిపేట నియోజక వర్గంలో అభివృద్ధి పేరిట దోపిడీ జరిగిందన్నారు. రంగనాయక సాగర్ నిర్వహణ పేరిట డబ్బులు కాజేశారన్నారు. ఈ విషయాలన్నింటినీ నివేదిక రూపంలో తెలంగాణ సీఎం రేవంత్ రెడ్డికి అందజేస్తా అన్నారు. అధికారంలో ఉన్నప్పుడు అక్రమ కేసులతో తనను వేధించిన హరీష్ రావు భూకబ్జా, ఫోన్ ట్యాపింగ్ కేసుల్లో శిక్ష అనుభవించక తప్పదన్నారు.