బేగంపేట్‌లో దారుణం.. పీఎస్‌ ఆవరణలో వ్యక్తి ఆత్మహత్యాయత్నం

దిశ, వెబ్‌డెస్క్: వ్యక్తి ఆత్మహత్యాయత్నానికి పాల్పడిన ఘటన నగరంలోని బేగంపేట మహిళ పోలీస్ స్టేషన్ అవరణలో సోమవారం చోటుచేసుకుంది. వివరాల్లోకి వెళితే.. భార్యాభర్తల మధ్య నెలకొన్న వివాదంలో భాగంగా పోలీసులు ఇద్దరిని సోమవారం కౌన్సిలింగ్ నిమిత్తం స్టేషన్‌కు పిలిపించారు. ఈ క్రమంలోనే తనపై భార్య అకారణంగా ఫిర్యాదు చేసిందని భర్త అఖిల్ తీవ్ర మనస్తాపానికి గురయ్యాడు. అంతకు ముందే తన వెంట తెచ్చుకున్న పెట్రోల్ బాటిల్‌ను ఒపెన్ చేసి ఒంటిపై పోసుకుని స్టేషన్‌ ఆవరణలో నిప్పంటించుకున్నాడు. ఈ ఘటనలో అఖిల్‌కు స్వల్ప గాయాలయ్యాయి. అప్రమత్తమైన అక్కడున్న సిబ్బంది అతడిని హుటాహుటిన స్థానిక ఆసుపత్రికి తరలించారు.