దర్శకుడికి ఊహించని గిఫ్ట్ ఇచ్చిన రామ్ చరణ్-ఉపాసన.. బిగ్ థాంక్స్ తెలుపుతూ పోస్ట్
దిశ, వెబ్డెస్క్: తాజాగా టాలీవుడ్ హీరో గ్లోబల్ స్టార్ రామ్ చరణ్ (Ram Charan) అండ్ ఈయన భార్య ఉపాసన (Upasana) దర్శకుడు బుచ్చిబాబు (Buchi Babu)కు బహుమతిని అందించారు. ఈ సంతోషకరమైన విషయాన్ని డైరెక్టర్ సోషల్ మీడియా వేదికన పంచుకున్నారు. ‘‘అద్భుతమైన బహుమతి ఇచ్చినందుకు చాలా ధన్యవాదాలు రామ్ చరణ్, ఉపాసన. మీరు నాపై చూపిస్తోన్న ప్రేమ, ఇస్తోన్న మద్దతుకు రుణపడి ఉన్నాను.
హనుమంతుని ఆశీస్సులు మీకు తోడుగా ఉండాలి. మీకు మరింత బలాన్ని. శక్తిని ఇవ్వాలి. మీ విలువలు నిజంగా స్ఫూర్తిదాయకంగా ఉంటాయి. మీరు ఉండే విధానం ఎల్లప్పుడూ స్థిరంగా, వినయంగా ఉండాలని మాకు గుర్తు చేస్తాయి’’. అంటూ దర్శకుడు బుచ్చిబాబు ట్విట్టర్ వేదికన పోస్ట్ ద్వారా తెలియజేశారు. ఈ గిఫ్ట్స్లో శ్రీరాముడి పాదాలు, హనుమాన్ చాలీసా ఉన్నాయి. ‘హనుమాన్ చాలీసా
నా జీవితమంతా నా గొప్ప బలం. హనుమంతునిపై నాకున్న విశ్వాసం నన్ను స్థిరంగా ఉంచింది. నా కష్టతరమైన క్షణాలలో నన్ను నడిపించింది. నాకు 40 ఏళ్లు వచ్చేసరికి, ఆ శక్తిలో కొంత భాగాన్ని మీతో పంచుకోవాలనుకుంటున్నాను. మీరు నా జీవితంలో ఒక ప్రత్యేక స్థానాన్ని కలిగి ఉన్నారు. మీరు ఎల్లప్పుడూ రక్షించబడాలని, ఆశీర్వదించబడాలని నేను కోరుకుంటున్నాను. ప్రేమ, కృతజ్ఞత, లోతైన ఆప్యాయతతో మీ రామ్ చరణ్-ఉపాసన’ అంటూ పలు వ్యాఖ్యలు జోడించిన పేజీలు కూడా ఈ బహుమతుల్లో ఉన్నాయి.
