బాలీవుడ్ హీరోయిన్పై తెలుగు నిర్మాత లైంగిక వేధింపులు
హిందీ, కన్నడ భాషలో హీరోయిన్గా మంచి పేరు ప్రఖ్యాతలు సంపాదించుకున్న డైసీ షా టాలీవుడ్ ఇండస్ట్రీలో తను లైంగిక వేధింపులకు గురైనట్టు తీవ్ర ఆరోపణ చేసింది.
దిశ, సినిమా: హిందీ, కన్నడ భాషలో హీరోయిన్గా మంచి పేరు ప్రఖ్యాతలు సంపాదించుకున్న డైసీ షా టాలీవుడ్ ఇండస్ట్రీలో తను లైంగిక వేధింపులకు గురైనట్టు తీవ్ర ఆరోపణ చేసింది. అందుకే తాను మళ్లీ తెలుగు ఇంటస్ట్రీ వైపు కన్నెత్తి చూడలేదని ఘాటు వ్యాఖ్యలు చేసింది. సినిమా చర్చల కోసమని ఓ నిర్మాత తనను పిలిచి అసభ్యకరంగా తాకారని వాపోయింది. తన మీద చేతులు వేయడం, టచ్ చేయడం, ఆ సందర్భంగా తనను తన ఉచ్చులోకి లాగాలని ప్రయత్నం చేశాడని చెప్పింది. ఆ తర్వాత తాను ఇంకెప్పుడు అటువైపు వెళ్ళలేదని తెలిపింది. తనకి ఇష్టం లేకుండా ఎవరైనా తన మీద చేతులు వేసినా, తనను టచ్ చేసినా, తేళ్లు పాకినట్టు ఉంటుందని, తనకు నచ్చదని ఆమె చెప్పింది.
తాను ఇప్పటికే ఇద్దరితో సహజీవనం చేసి విడిపోయానని, ఇక ఆ అనుభవాలు తనకు చాలునని చెప్పింది. రెండు సహజీవనాలు చేదు అనుభవాన్ని మిగిల్చాయని పేర్కొంది. మళ్లీ పెళ్లి, సంసారం ఆలోచనలు ఏమీ లేవని కుండబద్దలు కొట్టింది. కానీ తనకు తల్లిని కావాలని కోరిక ఉందని బాంబ్ పేల్చింది. దానికి పెళ్లి అవసరం లేదని స్పష్టం చేసింది. తన అండ కణాలు తీసి శీతలీకరణ ద్వారా భద్రపరిచారనని, తనకు అవసరమైనప్పుడు తల్లిని అవుతానని తెలిపింది. పెళ్లి మాత్రం ఇంకెప్పుడూ చేసుకోనని చెప్పింది. ఇకపై తన ఇష్టానికి అనుగుణంగా స్వేచ్ఛగా ఉంటూ, మనసుకు నచ్చినట్టుగా జీవితాన్ని కొనసాగిస్తానని డైసీ షా చెప్పుకొచ్చింది.
