గ్రామీణ వినియోగదారుల కోసం బజాజ్ అలియాంజ్‌తో ఐపీపీబీ ఒప్పందం..

by  |

దిశ, వెబ్‌డెస్క్: బజాజ్ అలియాన్స్ లైఫ్ ఇన్సూరెన్స్, ఇండియా పోస్ట్ పేమెంట్స్ బ్యాంక్(ఐపీపీబీ), పోస్టల్ శాఖ(డీఓపీ) గురువారం కీలక భాగస్వామ్యాన్ని కుదుర్చుకున్నాయి. దేశవ్యాప్తంగా గ్రామీణ వినియోగదారుల కోసం రెండు బీమా ఉత్పత్తులను ప్రారంభించాయి. ఐపీపీబీకి ఉన్నటువంటి 650 శాఖల విస్తృతమైన నెట్‌వర్క్ ద్వారా లైఫ్ ఇన్సూరెన్స్ సంస్థ టర్మ్, యాన్యూటీ బీమా ఉత్పత్తులను అందించనుంది. ఈ భాగస్వామ్యం వినియోగదారులను, ముఖ్యంగా బ్యాంకింగ్ సేవలకు దూరంగా ఉన్న ప్రాంతాల్లో ఉండే వారికి బీమా ప్రయోజనాలు అందించాలనే లక్ష్యంతో జరిగిందని, ఈ నిర్ణయం ద్వారా గ్రామీణ ప్రాంతాల్లోని బలహీన వర్గాలు ఆర్థికంగా రక్షణను పొందుతారని మూడు సంస్థలు భాగస్వామ్యం ప్రకటనలో తెలిపాయి. ఈ ఒప్పందం తర్వాత గ్రామీణ వినియోగదారులు బజాజ్ అలియాంజ్ లైఫ్ స్మార్ట్ ప్రొటెక్ట్ గోల్, బజాజ్ అలియాంజ్ లైఫ్ గ్యారెంటీడ్ పెన్షన్ గోల్ అయిన టర్మ్, యాన్యూటీ బీమా ఉత్పత్తులను పొందడానికి వీలవుతుంది. ఆర్థిక భద్రతతో పాటు అనుకోని పరిస్థితుల్లో వైద్య అత్యవసర పరిస్థితులను ఎదుర్కొనేందుకు బీమా ముఖ్యమైన పెట్టుబడి సాధనంగా ఉందని బజాజ్ అలియాంజ్ ఓ ప్రకటనలో పేర్కొంది. ‘తమ బలమైన బ్యాంకింగ్ యాక్సెస్ పాయింట్ల నెట్‌వర్క్ ద్వారా వినియోగదారుల ఆర్థిక పరిష్కారాలను అందించేందుకు కట్టుబడి ఉన్నామని’ ఐపీపీబీ ఎండీ, సీఈఓ జె వెంకటరాము అన్నారు.

కంటెంట్ రైటర్లు కావాలి!
సంచలన కథనాలతో తెలుగు రాష్ట్రాల్లో దూసుకుపోతున్న దిశ వెబ్‌సైట్‌లో పని చేయడానికి సీనియర్, జూనియర్ కంటెంట్ రైటర్లు కావాలి.
పొలిటికల్, వైరల్, సినిమా, బిజినెస్, లైఫ్‌స్టైల్ కంటెంట్ రాసే వారికి ప్రాధాన్యం ఉంటుంది. ప్రతిభను బట్టి వేతనం ఉంటుంది.
ఆసక్తి ఉన్నవాళ్లు నెంబరు 79958 66670 కు తమ బయోడేటా వాట్సాప్ చేయండి. లేదా
వాకిన్ ఇంటర్వ్యూ కోసం కింది అడ్రస్‌లో సంప్రదించగలరు.
దిశ, ఫస్ట్ ఫ్లోర్, లుంబిని రాక్‌డేల్ ఈనాడు ఆఫీసు వెనకాల సోమాజీగూడ, హైదరాబాద్.

Next Story

Most Viewed