ఆ ఫైలుపైనే తొలి సంతకం: నారా లోకేశ్

దిశ, వెబ్ డెస్క్: ప్రజా ప్రభుత్వం అధికారంలోకి వస్తే డీఎస్సీ ఫైలుపైనే తొలి సంతకం అని టీడీపీ జాతీయ ప్రధాన కార్యదర్శి నారా లోకేశ్ అన్నారు. మంగళగిరిలో ఆయన ఎన్నికల ప్రచారం నిర్వహించారు. ఈ సందర్భంగా లోకేశ్ మాట్లాడుతూ వాలంటీర్ల ద్వారా పింఛన్‌ను ఇళ్ల వద్దకే తెచ్చిస్తానని చెప్పారు.ఎన్డీయే కూటమి ప్రభుత్వం రాగానే పింఛన్ రూ. 4 వేలు పంపిణీ చేస్తామని ఆయన తెలిపారు. ఐదేళ్లలో ప్రతి సంవత్సరం 4 లక్షల ఉద్యోగాలు ఇస్తామన్నారు. జగన్ ప్రకటించింది మేనిఫెస్టో కాదని, రాజీనామా లేఖ అని ఎద్దేవా చేశారు. రూ. 500 పింఛన్ పెంచుతామనడం జగన్ దివాలాకోరుతనమని పేర్కొన్నారు. ఎన్నికలకు ముందే జగన్ అస్త్ర సన్యాసం చేసినట్లు తెలుస్తోందని నారా లోకేశ్ విమర్శించారు.