పేటీఎం, అమెజాన్ కేవైసీ పేరుతో ఘరానా మోసం

దిశ, వెబ్ డెస్క్: హైదరాబాద్‌లో మరో ఘరానా మోసం వెలుగులోకి వచ్చింది. కరోనా కష్టకాలంలో చాలామంది వినియోగదారులు ఆన్ లైన్ ద్వారా కొనుగోళ్లు జరుపుతున్నారు. బయటకు వెళితే ఎక్కడ వైరస్ బారిన పడుతామో అనే భయమే ఆన్ లైన్ సేల్స్ పెరగడానికి కూడా ఓ ప్రధాన కారణం.. ఈ విషయం గమనించిన కేటుగాళ్లు పకడ్భందీ ప్లాన్ వేశారు.

పేటీఎం, అమెజాన్ కంపెనీ కస్టమర్ కేర్ తరఫున కాల్ చేస్తున్నామని ఆయా కంపెనీల వినియోగదారులతో నమ్మబలికారు. మీ కేవైసీ అకౌంట్ అప్ డేట్ చేయాలని లేనియెడల కొనుగోళ్లు, పేమెంట్స్ ఆగిపోతాయని పలువురిని నమ్మించారు. ఈ క్రమంలోనే వారి బుట్టలో పడిన వ్యక్తుల నుంచి సుమారు రూ. 7.75లక్షలు కాజేశారు. డబ్బులు పొగొట్టుకున్న బాధితులు వెంటనే సైబర్ పోలీసులను ఆశ్రయించారు. అసలు విషయం చెప్పి తమకు న్యాయం చేయాలని పోలీసులు ఎదుట తమ గోడును వెల్లబోసుకున్నారు.