- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
భయపడితే ఎలా?
నేడేమైనా జరగనీ మిత్రమా
జయమో, అపజయమో
రేపొకటి వుందని..
గెలుపు వెలుగు చిమ్మే
చీకటిని మింగేస్తుందని
నువ్వెప్పుడూ మరువకు..!
అక్షరాలు తడబడకుండా
మహాకవుల మహా కావ్యాలు
ఎలా నిలబడ్డాయి
అడుగుల అలజడి లేకుండా
మండేలా ఎ లాంగ్ వాక్ టు ఫ్రీడం
ఎలా సాధ్యమయ్యింది
అంకెల ఆరాటంపై రామానుజన్
ఆత్మవిశ్వాసపు ఆయుధం లేనిదే
అనంతంఎలా జవాబిచ్చింది
నీకు తెలియదా చెప్పు..
చిన్నప్పుడే చదివాం మనమంతా..!
ఎడిసన్ ఎదుగుదల
చరిత్రకే ఓ పాఠమయ్యింది.
గాంధీజీ ఉద్యమతీరు
పోరాటాలకు ఓ దిక్సూచయ్యింది.
అర్థం చేసుకోలేక ఐన్ స్టీన్ నే
పిచ్చోడంది ఈ సమాజం..!
ఆకలి మాట్లాడుతుంటే అంతరిక్షపు
జాబిల్లి అందుతుందా అంది ఓ సహచరం..!
గుర్తుపెట్టుకో..
ఎవ్వరి ఎగతాళి లేకుండా ఎవరెస్ట్
ఏనాడు తలొంచలేదు.
జీవితం ఎప్పుడూ ఓ పరీక్షే.
పారిపోవడం, చనిపోవడం
ఎప్పటికీ పరిష్కారం కాదు..!
ఫలితం ఏదైనాకానీ...
ప్రయత్నించు.. మళ్ళీ ప్రయత్నించు..!
ప్రపంచాన్ని పట్టించుకోకుండా
నీ గమ్యం చేరేవరకు ప్రయాణించు..!
నువ్వే.. నువ్వే.. భవిష్యత్
తరాలకు ఓ భానుడివి..!
- ఫిజిక్స్ అరుణ్ కుమార్
93947 49536