పదో తరగతి పరీక్షా ఫలితాలు విడుదల

దిశ, వెబ్ డెస్క్: గుజరాత్ రాష్ట్రంలో పదో తరగతి పరీక్షా ఫలితాలు విడుదలయ్యాయి. గుజరాత్ సెకండరీ, హయ్యర్ సెకండరీ ఎడ్యుకేషన్ బోర్డు మంగళవారం ఈ ఫలితాలను విడుదల చేసింది. మొత్తం సుమారుగా 11 లక్షల మంది విద్యార్థులు పరీక్షలకు హాజరుకాగా, 60.64 శాతం మంది విద్యార్థులు ఉత్తీర్ణత సాధించారు. అయితే.. ఈ ఫలితాల్లో ఈసారి కూడా బాలికలే పై చేయి సాధించారు. 74.46 శాతం ఉత్తీర్ణతతో సూరత్ జిల్లా మొదటి స్థానంలో నిలవగా 47.47 శాతం ఉత్తీర్ణతతో ఉదేపూర్ చివరిస్థానంలో నిలిచింది. 281 పాఠశాలలు 100 శాతం ఫలితాలు సాధించాయని బోర్డు పేర్కొన్నది.