విద్యుత్చౌర్యం.. అందకారంలో పరిగి...
దిశ, పరిగి: వీధి లైట్లే కదా ఎవరు పట్టించుకుంటారనుకున్నారేమో.. పాపం నేహనల్హైవే అథారిటీ వాళ్లు నామ్ కేవాస్తే..ఓ మీటర్పెట్టి ఓ హైమాస్ట్లైట్రీడింగ్వచ్చేలా ఏర్పాటు చేసి ఏకంగా 19 నెలల నుంచి విద్యుత్దొంగలిస్తూ పరిగిలో హైవే రోడ్డు వెంబడి వెలుగు చిమ్మిచ్చారు. ఇలా అప్పనంగా విద్యుత్వాడుకుంటూ బిల్లులు ఎగ్గొడతారా అంటూ డిస్కం ఏఈ చాలాసార్లు ఎస్ఎస్ఆర్రోడ్డు కాంట్రాక్టర్, నేషనల్ హైవే వాళ్లకు చెప్పినా పెడచెవిన పెట్టారు. దీంతో డిస్కం అధికారులు విద్యుత్సరఫరా నిలిపివేశారు. కేవలం ఒక మీటర్తీసుకుంటే సరిపోతుందని అప్పట్లో డిస్కం అధికారులు చెప్పి నాడు అదనంగా మళ్లీ మీటర్ తీసుకోవాలంటూ చెబుతున్నారంటూ రోడ్డు కాంట్రాక్ట్సూపర్వైజర్ తెలిపాడు.
102 వీధిలైట్లు...రెండు హైమాస్ట్లైట్లు
పరిగి మున్సిపల్ పరిధిలో హైవే రోడ్డుపై హైదరాబాద్ వైపు నుంచి వస్తుంటే ఇండెన్ పెట్రోల్పంపు నుంచి టెలిపోన్ ఎక్చైంజ్, బస్టాండ్, బాహర్పేట్, కోడంగల్చౌరస్తా, హెప్ పి పెట్రోల్బంకు వరకు 102 వీధిలైట్లు, టెలిఫోన్ఎక్చైంజ్వద్ద ఒక పెద్ద హైమాస్ట్లైట్, కోడంగల్చౌరస్తా వద్ద పెద్ద హైమాస్ట్లైట్లు మొత్తం 104 స్తంబాలు ఉన్నాయి. వీటికి 204 బల్బులు, రెండు హైమాస్ట్లైట్లకు కలిపి 16 మొత్తం 220 ఎల్ఈడీ బల్బులు ఉన్నాయి. వీటిలో కేవలం ఓ హైమాస్ట్లైట్స్తంబం, మరో కొన్ని హైపై ఉన్న వీధిలైట్లకు మాత్రమే రీడింగ్వచ్చేలా రెండేళ్ల క్రితం ఏర్పాటు చేసి విద్యుత్సరఫరా చేస్తున్నారు. మిగతా స్తంబాలు, హైమాస్ట్ లైట్ కు సపరేటుగా విద్యుత్మీటర్లు తీసుకోవాలని డిస్కం అధికారులు హైవే వాళ్లకి చెప్పినా వారు పట్టించులేదు. గతంలో కూడా విద్యుత్ సరఫరా నిలివేస్తే స్థానిక పాలకులు రిక్వెస్ట్మేరకు త్వరలో వాళ్లతో మాట్లాడి మీటర్లకు దరఖాస్తు చేయిస్తామంటూ చెప్పి తిరిగి సరఫరా ఇప్పించారు. అయినా హైవే వాళ్లు ఎలాంటి దరఖాస్తు చేసుకోకపోవడంతో తిరిగి డిస్కం అధికారులు విద్యుత్సరఫరా నిలిపివేశారు.
19 నెలలుగా విద్యుత్చౌర్యం..
హైవే పై ఉన్న విద్యుత్102 స్తంబాలకు, 2 హైమాస్ట్ స్తంబాలకు మీటర్లు బిగించుకోవాలని చెప్పినా నామ మాత్రంగా ఒక మీటర్ తీసుకుని కేవలం కొన్నింటికి మాత్రమే రీడింగ్ వచ్చేలా తాగాజా ఫిబ్రవరి మాసం ఒక నెలకే 13 వేల రూపాయల బిల్లు వచ్చింది. మిగతా అన్ని వీధిలైట్లు, హైమాస్ట్ లైట్ల అన్నింటికి రీడింగ్వచ్చేలా చేస్తూ నెలకి రూ. 60 వేల దాకా బిల్లు వస్తుందని విద్యుత్అధికారులు అంచనా వేశారు. ఇలా 19 నెలల నుంచి నెలకి రూ. 60 వేల చొప్పున రూ. 11.40 లక్షలు నేషనల్ హైవే కాంట్రాక్టర్నుంచి డిస్కం శాఖకు నష్టం వాటిల్లింది.
అందకారంలో పరిగి...
పరిగి మున్సిపల్పరిధిలోని నేషనల్ హైవే రోడ్డు మధ్యలో వీధిలైట్లకు పదిహేను రోజుల క్రితం విద్యుత్అధికారులు విద్యుత్ సరఫరా(డిస్కనెక్ట్) నిలిపివేశారు. దీంతో టెలిఫోన్ఎక్చైంజ్బాహర్ పేట్, కోడంగ్చౌరస్తా, హెప్ పి పెట్రోల్బంక్వరకు పరిగి పట్టణం హైవే రోడ్డు పొడుగునా అందకారం నెలకొంది. రోడ్డుపై నడుచుకుంటూ వెళ్లేవారు సెల్ ఫోన్లైట్లు, వాహనాల వెలుతురులో వెళ్తూ ఇబ్బందుల ఎదుర్కొంటున్నారు. మున్సిపల్, స్థానిక పాలకులు పట్టించుకోవడం లేదంటూ ప్రజలు మండిపడుతున్నారు.
చెప్పినా పట్టించులోలేదు.. డిస్ కనెక్ట్చేశాం : ఖాజా బాబు( డిస్కం ఏఈ– పరిగి )
హైవే మధ్యలో వీదిలైట్లు, హైమాస్ట్లైట్లకు కలిపి గతంలో ఒక మీటర్తీసుకుని కేవలం కొన్నింటికి మాత్రమే రీడింగ్వచ్చేలా కనెక్షన్ తీసుకున్నారు. మిగతావాటికి ఎక్కడ ట్రాన్స్ ఫార్మర్ దగ్గరగా ఉంటే అక్కడి నుంచి విద్యుత్సరఫారా అయ్యేలా కనెక్షన్తీసుకున్నారు. ఇలా ఏడాదికిపైగా కేవలం నామమాత్రంగా బిల్లు కడుతూ మిగతా వాటికి ఎలాంటి బిల్లు లేకుండా విద్యుత్ వాడుకుంటున్నారు. ప్రస్తుతం ఉన్న మీటర్ నుంచే ఒకే వైరుతో అన్ని స్తంబాలకు కనెక్షన్ అయినా తీసుకోండని, లేదా అదనంగా మీటర్లు కావాలంటూ ధరఖాస్తు చేసుకోండని చెప్పినా వాళ్లు పట్టించుకోవడం లేదు. అందుకే పదిహేను రోజుల క్రితం విద్యుత్కనెక్షన్ తొలగించాం. ఈ విషయమై మున్సిపల్శాఖ అధికారులకు ప్రశ్నిస్తే తమకు ఇంకా హైవే వాళ్లు అప్పగించలేదని చెప్పారు.
