టికెట్ కోసం గోడవ.. మహిళపై ఆర్టీసీ కండక్టర్ దాడి (వీడియో వైరల్)

దిశ, డైనమిక్ బ్యూరో: మహిళపై బస్సు కండక్టర్ విచక్షణారహితంగా దాడి చేసిన ఘటన బెంగళూరులో జరిగింది. కర్నాటకకు చెందిన ఆర్టీసీ కండక్టర్ కు, మహిళా ప్రయాణికురాలుకు బస్సు టికెట్ విషయంలో గొడవ మొదలయ్యింది. బస్సు నడుస్తుండగా వివాదం ముదిరింది. ఈ విషయంలో సహనం కోల్పోయిన మహిళ బస్సు కండక్టర్ పై చెయ్యి చేసుకుంది. దీంతో ఆగ్రహానికి గురైన కండక్టర్ మహిళపై విచక్షణారహితంగా దాడి చేశాడు. పక్కనే ఉన్నా వ్యక్తులు ఆపే ప్రయత్నం చేసిన వినకుండా మహిళను బస్సులోనే కిందపడేసి దారుణంగా కొట్టాడు. ప్రస్తుతం ఈ వీడియో సోషల్ మీడియాలో వైరల్ గా మారింది. దీనిపై స్పందిస్తున్న నెటిజన్లు.. ఇలాంటి ఘటనలు జరగడం బాధాకరమని, ఇద్దరిది తప్పు ఉన్నా.. కండక్టర్ అంతలా దాడికి దిగడం సరికాదని, కండక్టర్ పై తగిన చర్చలు తీసుకోవాలని డిమాండ్ చేస్తున్నారు.