చిత్రగుప్తుని సీసీ కెమెరాలు
అదే భూమి అదే నేల
అదే ఆదిత్యుడు అదే చంద్రుడు
అదే ఆకాశం అవే నక్షత్రాలు
అవే ప్రాణులు అవే మానులు
అదే గాలి అదే నీరు
అల్లంత దూరాన ఆ నింగి
ఈ నేలపై వంగినది ఎందుకో!
వంగిన నింగి అందదు ఎందుకో!
వెలుగు పొద్దుల కిరణాలు వంగు
సూర్య-చంద్రులు మునిగి తేల
తాత ముత్తాతలు
కాలానికి వేలాడక కాలం చేసిరి!
కాల చక్ర భ్రమణంలో
తెలియకనే అవని జీవులు అన్నీ
లయమై పోవడం ఎందుకో
అవస్థల దశలు గడుపుట ఎందుకో!
ఈ సూర్య-చంద్రులెందుకో
ఎటులకో వెళ్లి వస్తుంటారెందుకో
అలసిన దేహాలు కునుకు తీయడానికో
ఆదమరచిన ప్రాణుల నిద్రలేపడానికో
వంతులవారీగా
ఈ శివరాత్రి జాగరణలెందుకో!
పగలు ఒకరు రాత్రి ఒకరు
చీకట్లను తరిమే జ్ఞానజ్యోతులు
చిత్రగుప్తుడు వ్రాసే
జీవుల జాతక చిట్టా పద్దులకు
సీసీ కెమెరాలు!
మనిషిలోని మనసుకు కనిపించే
మనిషి రివైండ్ దృశ్యాలు!
పి.బక్కారెడ్డి
97053 15250
Next Story
