తుపాకీ చప్పుళ్ల మధ్యలో.. NEET ర్యాంకర్లు

దిశ, వెబ్‌డెస్క్: జమ్మూకాశ్మీర్‌లోని బారాముల్లా పేరు చెబితే అందరికీ సులువుగా గుర్తొచ్చేది తుపాకీ మోతల శబ్దం. ఎప్పుడూ భద్రతా బలగాలు, టెర్రరిస్టులు మధ్య కాల్పులు చోటుచేసుకుంటూనే ఉంటాయి. అలాంటి ప్రాంతం నుంచి రెండు విద్యా కుసుమాలు వెలుగులోకి వచ్చాయి.సెక్యూరిటీ గార్డుగా పనిచేస్తున్న వ్యక్తి సంతానమైన కవల పిల్లలు జాతీయ స్థాయిలో నిర్వహించిన NEET పరీక్షల్లో ఉత్తమ ప్రతిభ కనబరిచారు.

షకీర్ బషీర్-651, గౌహర్ బషీర్-657 మార్కులు సాధించారు. నిరుపేద కుటుంబానికి చెందిన వీళ్లు డాక్టర్లు కాబోతున్నారు. ఫలితాలు వెల్లడి కాగానే తన పిల్లలను చూసి ఆ తండ్రి భావోద్వేగానికి గురయ్యారు.