Phone Tapping: ఫోన్ ట్యాపింగ్ ఎప్పటి నుంచో జరుగుతోంది.. కీలక విషయాలను బయటపెట్టిన ఈటల (వీడియో వైరల్)

దిశ, వెబ్‌డెస్క్: ఫోన్ ట్యాపింగ్ వ్యవహారం ఎప్పటి నుంచో జరగుతోందని, బీఆర్ఎస్ ప్రభుత్వ హయాంలో మంత్రులు, సొంత ఎమ్మెల్యేల ఫోన్లు కూడా ట్యాప్ చేశారంటూ మల్కాజ్‌గిరి ఎంపీ అభ్యర్థి ఈటల రాజేందర్ సంచలన వ్యాఖ్యలు చేశారు. ఓ మీడియా చానెల్‌కు ఇచ్చిన ఇంటర్వ్యూలో ఆయన మాట్లాడుతూ.. 2014 సంవత్సరం చివరి నుంచే ఫోన్ ట్యాపింగ్ మొదలైందని ఆరోపించారు. అయితే, తాటికొండ రాజయ్య ఉప ముఖ్యమంత్రిగా ఉండగా.. ఆయనను బర్తరఫ్ చేసే సమయంలో తాము కేసీఆర్ ఎందుకు ఓ దళిత బిడ్డను పదవి నుంచి తొలగిస్తున్నారంటూ ప్రశ్నించామని తెలిపారు. అందుకు సమాధానంగా ఆయన తన దగ్గర అన్ని అధారాలు ఉన్నాయని చెప్పారని పేర్కొన్నారు. దీంతో అక్కడ నుంచి తాము అందరి ఫోన్లు కూడా ట్యాప్ అవుతున్నట్లుగా గుర్తించామని ఈటల రాజేందర్ తెలిపారు.