ఆర్ఎస్ ప్రవీన్ కుమార్‌ను అరెస్ట్ చేయోద్దు..హైకోర్టు ఆదేశాలు
కొమురంభీం జిల్లా సిర్పూర్ కాగజ్‌నగర్‌లో ఇటీవల బీఎస్పీ, బీఆర్ఎస్ లీడర్ల మధ్య జరిగిన గొడవకు సంబంధించి పోలీసులు ఇరువర్గాలపై కేసులు నమోదు చేసిన సంగతి తెలిసిందే.
దిశ, డైనమిక్ బ్యూరో: కొమురంభీం జిల్లా సిర్పూర్ కాగజ్‌నగర్‌లో ఇటీవల బీఎస్పీ, బీఆర్ఎస్ లీడర్ల మధ్య జరిగిన గొడవకు సంబంధించి పోలీసులు ఇరువర్గాలపై కేసులు నమోదు చేసిన సంగతి తెలిసిందే. అయితే బీఎస్పీ పార్టీ రాష్ట్ర అధ్యక్షుడు ఆర్ఎస్ ప్రవీణ్ కుమార్‌పై కూడా కొందరిపై దాడి చేశారనే ఆరోపణలతో సిర్పూర్ కాగజ్‌నగర్‌లో కేసు నమోదు అయ్యింది.
ఈ నేపథ్యంలోనే ఆర్ఎస్పీ తాజాగా హైకోర్టులో క్వాష్ పిటిషన్ దాఖలు చేశారు. దీనిపై ఇవాళ అర్ఎస్పీని అరెస్ట్ చేయవద్దని హైకోర్టు ఆదేశాలిచ్చింది. తదుపరి ఉత్తర్వులు వెలువడే వరకు ప్రవీణ్ కుమార్‌ను అరెస్ట్ చేయవద్దని తెలంగాణ హైకోర్టు పోలీసులకు ఆదేశాలు జారీ చేసింది. కాగా, ఆర్ఎస్పీ సిర్పూర్ నుంచి పోటీ చేస్తున్న విషయం తెలిసిందే. దీంతో సిర్పూర్ రాజకీయాలు ఒక్కసారిగా హీటెక్కాయి.