అక్షయ తృతీయ : మండుటెండలో బయటకు ఎందుకు.. ఇంట్లో ఉండే పది నిమిషాల్లో బంగారం కొనేయొచ్చు..

దిశ, ఫీచర్స్: అక్షయ తృతీయ సందర్భంగా బంగారం కొనుగోలు చేయడం ఆనవాయితీగా వస్తుంది. ఈ రోజు ఇంటికి కాసింత బంగారం తెచ్చుకున్నా.. ఇంట్లో లక్ష్మీ దేవి తాండవిస్తుందని నమ్ముతుంటారు. అందుకే గోల్డ్ షాప్స్ అన్ని బిజీగా ఉంటుండగా.. బంపర్ ఆఫర్స్ కూడా ప్రకటిస్తుంటాయి. అయితే ఈ ఎండలో ప్రయాణం చేయడం, అలసిపోవడం ఎందుకని అనుకుంటే మాత్రం మీకో సొల్యూషన్ దొరికింది. పలు కంపెనీలు ఆన్ లైన్ సర్వీస్ ప్రొవైడ్ చేస్తున్నాయి.

జస్ట్ టెన్ మినిట్స్ లో మీ దగ్గరికి బంగారాన్ని చేర్చేందుకు ఈ కామర్స్ ప్లాట్ ఫామ్స్ పోటీపడుతున్నాయి. Blinkit, SwiggyInstamart, Zepto ఈ సేవలు అందించేందుకు ముందుకొచ్చాయి. సూపర్ క్విక్ గా గోల్డ్, సిల్వర్ డెలివరీ చేస్తామని హామీ ఇస్తున్నాయి. ఇక ఈ విషయం ట్రెండ్ అవుతుండగా.. పది నిమిషాల్లో బాయ్ ఫ్రెండ్, గర్ల్ ఫ్రెండ్ ను ఇస్తే బాగుంటుంది కానీ ఇలాంటి అవకాశం అస్సలు వద్దు అంటున్నారు. బంగారం విషయంలో అస్సలు నమ్మలేమని చెప్తున్నారు.