విజయదశమి సందర్భంగా కేసీఆర్ ప్రత్యేక పూజలు

దిశ, తెలంగాణ బ్యూరో: విజయ దశమి సందర్భంగా సీఎం కేసీఆర్ ప్రగతి భవన్ లోని నల్ల పోచమ్మ అమ్మవారి దేవాలయంలో శుక్రవారం కుటుంబ సమేతంగా అమ్మవారికి పూజలు నిర్వహించారు. సంప్రదాయబద్దంగా వాహన పూజ, ఆయుధ పూజ ఘనంగా నిర్వహించారు. దసరా సందర్భంగా జమ్మి చెట్టుకు ప్రత్యేక పూజ నిర్వహించారు. ఈ కార్యక్రమంలో సీఎం సతీమణి శోభమ్మ,   కేటీఆర్, శైలిమ దంపతులు, సీఎం కార్యదర్శి రాజశేఖర్ రెడ్డి, తదితర కుటుంబ సభ్యులు, సిబ్బంది పాల్గొన్నారు.