'సీతా రామం'గా వచ్చేస్తున్న దుల్కర్ సల్మాన్..
దిశ, వెబ్‌డెస్క్: దుల్కర్ సల్మాన్.. ఈ పేరును తెలుగు సినీ అభిమానులకు ప్రత్యేకంగా పరిచయం చేయాల్సిన పని లేదు. 'మహానటి' సినిమాలో కీర్తి సురేశ్ సరసన నటించి అందరి దృష్టినీ తనవైపు తిప్పుకున్నాడు. మలయాళ సూపర్ స్టార్ మమ్ముట్టి తనయుడిగా వెండితెరకు పరిచయమైన దుల్కర్ సల్మాన్ అనతికాలంలోనే హీరోగా తనకంటూ ఓ ప్రత్యేకతను సంపాదించుకున్నాడు. రొమాంటిక్ హీరోగా అమ్మాయిల మనసులను దోచుకున్నాడు.
ప్రస్తుతం దుల్కర్ సల్మాన్ రాఘవపూడి దర్శకత్వంలో వస్తున్న సినిమా 'సీతా రామం' ఈ చిత్రంలో నటిస్తున్నాడు. దుల్కర్ సరసన ఈ సినిమాలో మృణాళినీ ఠాకూర్ కథానాయికగా నటిస్తుండా.. రష్మిక మందనా, సుమంత్ కీలక పాత్రలు పోషించారు. అయితే, ఈ సినిమాకు సంబంధించిన టీజర్‌ను సోషల్ మీడియా వేదికగా రిలీజ్ చేశారు చిత్రబృందం. అది చూసిన నెటిజన్లు రకరకాల కామెంట్లు చేస్తూ.. ఫ్యాన్స్ ఫుల్ ఖుషీ అవుతున్నారు. ఈ సినిమా ఆగస్ట్ 5 న తెలుగు, తమిళ, మలయాళం భాషల్లో రిలీజ్ కానుంది.
