సీఎం కేసీఆర్ దానికి సమాధానం చెప్పాలి: రాష్ట్ర సర్కార్‌పై ఎబీవీపీ ఫైర్
దిశ, తెలంగాణ బ్యూరో: రాష్ట్రంలో మాదకద్రవ్యాల నియంత్రణలో ప్రభుత్వం విఫలమైందని, వెళ్ళూనుకుపోయిన డ్రగ్స్ మాఫియాను ఉక్కుపాదంతో అణచివేయాల్సిన ప్రభుత్వం నియంత్రించడంలో ఫెయిలైందని ఏబీవీపీ నాయకులు బుధవారం ఒక ప్రకటనలో ఫైరయ్యారు. రాష్ట్రంలో శాంతి భద్రతలు, పోలీస్నిఘా వ్యవస్థ పటిష్టంగా ఉంటే డ్రగ్స్ దందా ఎలా కొనసాగుతోందో ముఖ్యమంత్రి కేసీఆర్సమాధానం చెప్పాలని ప్రశ్నించారు. డ్రగ్స్ మాఫియాను ఉక్కుపాదంతో అణిచివేస్తామని, ప్రత్యేక నిఘా బృందాల ద్వారా కూకటివేళ్ళతో పెకిలిస్తామని సీఎం ప్రకటించిన కొద్దిరోజులకే నగరం నడిబొడ్డున జూబ్లీహిల్స్ రాడిసన్ హోటల్ పబ్‌లో విచ్చలవిడిగా డ్రగ్స్ పట్టుబడటమేంటని ఏబీవీపీ రాష్ట్ర కార్యదర్శి ప్రవీణ్రెడ్డి ప్రశ్నించారు.
పలు కార్పొరేట్విద్యాసంస్థలకు చెందినవారే ఎక్కువ మంది ఈ విష సంస్కృతికి అలవాటుపడ్డారని ఆగ్రహం వ్యక్తంచేశారు. ప్రభుత్వ పెద్దల నిర్లక్ష్యం, పోలీస్వ్యవస్థలోని లోపాలను అదునుగా చూసుకుని డ్రగ్స్ మాఫియా పంజా విసురుతోందన్నారు. మాదకద్రవ్యాల నియంత్రణలో అధికారులు, ప్రభుత్వం కేవలం ప్రకటనలకే పరిమితమైందని ఫైరయ్యారు. పోలీస్ అధికారులు కూడా తూతూ మంత్రంగా రెయిడ్స్చేపట్టి చేతులు దులుపుకుంటోందని ఆరోపించారు. రాడిసన్ బ్లూ డ్రగ్స్వ్యవహారంలో సూత్రధారులు, పాత్రధారుల జాబితాను బయటపెట్టాలని ఆయన డిమాండ్చేశారు.
