మాధవీలతకు ఎదురు గాలి?.. కరపత్రం ఇస్తుండగా నెట్టేసిన మహిళ (వీడియో వైరల్)
దిశ, డైనమిక్ బ్యూరో: లోక్ సభ ఎన్నికల ప్రచారంలో భాగంగా హైదరాబాద్ పార్లమెంట్ బీజేపీ అభ్యర్ధి మాధవీలతకు ఎదురు గాలి వీస్తోంది. దీనికి సంబందించిన వీడియో సోషల్ మీడియాలో వైరల్ గా మారింది. ఆ వీడియోలో ప్రచారంలో భాగంగా పార్లమెంట్ పరిధిలోని ఓ ఇంటికి వెళ్లి, ఆ ఇంటి బయట మహిళకు కరపత్రం ఇచ్చి ఓటు వేయాలని మాధవీలత అభ్యర్ధిస్తున్నారు. ఇంతలో ఆ మహిళ కరపత్రం తీసుకోకుండా బీజేపీ అభ్యర్ధిని తోసేస్తుంది. ఆగ్రహానికి గురైన మాదవీలత వీడియో ఎందుకు తీస్తున్నావ్ అంటూ ఓ వ్యక్తిపై మండిపడింది. ఈ వీడియోకి హైదరాబాద్ ప్రజలు బీజేపీ వద్దు అనుకుంటున్నారా? అని జత చేశారు. ఈ వీడియో నెట్టింట వైరల్ కావడంతో నెటిజన్లు బిన్నంగా స్పందిస్తున్నారు. పరువు పోతుందని ఫోటో తీయోద్దని అంటుందని, హైదరాబాద్ ప్రజలు విజ్ఞత కలిగిన వారని అంటుండగా, మరికొందరు కావాలనే చేస్తున్నారని, ఇదంతా ట్రాష్ అని ఇలా పలు రకాల కామెంట్లు పెడుతున్నారు.
