- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
కవిత్వం మాత్రమే
మట్టికి కవిత్వానికి
గొప్ప మహత్యం ఉంది
ఒక మొక్కను నాటు
ఒక విత్తనం పెట్టు
పచ్చపచ్చని జీవం పుట్టుక కేంద్రం
గొడవలెత్తి సంభ్రమాశ్చర్యం గొలుపుతుంది
గిరగిరా మిషన్తో
బోరువేసి గుండెల్ని నులిపెట్టినా
కోపతాపం లేక తల్లిలా
నీ దాహం తీరుస్తుంది
ఇంత ఎర్రటి మాడిపోయే
నడి ఎండల్లో కూడా
మరులుగొలిపే మల్లెపూల
సువాసనలను వెదజల్లుతుంది
నిన్ను సూర్యచంద్రులు
కిరణం హస్తాలతో
వెన్నెల విసన కర్రతో
పలకరించి పోతారు
నీకోసం పుండు పుండు
నేల అవుతుంది
నీ కోసం మేఘం వర్షిస్తుంది
నీకోసం మది నిండా
ది ప్రవహిస్తుంది
సమస్తాన్ని అనుభవించి
సహచరిని ఇంట్లో ఏం పని
చేస్తున్నవ్ అన్నట్టు, ఏదో పడగొట్టినట్టు
ఎన్నో గుట్టలను మలుపుకవచ్చినట్టు
సరసరా మరిచి నడచి పోతావు
నిర్మించడం కన్నా ధ్వంసం చేసింది ఎక్కువ
కవిత్వం అంటే
తనువంతా ప్రశ్నను చేసి
గురిపెట్టి సంధించిన బాణం మనిషి
కవిత్వం అంటే నేల నీరు ఆకాశం
ఒక జామ చెట్టు పైన వాలి
దోర పండును కొడుతున్న
ఎర్రముక్కు రామచిలక
-జూకంటి జగన్నాథం
94410 78095
- Tags
- Poem