బాలాపూర్​లో దారుణం..బాబాయ్​, కూతురిపై కత్తితో దాడిచేసిన బీహార్​ యువకుడు..

by Disha Web Desk 11 |
బాలాపూర్​లో దారుణం..బాబాయ్​, కూతురిపై కత్తితో దాడిచేసిన బీహార్​ యువకుడు..
X

దిశ, బడంగ్​పేట్​ : వరుసకు కూతురు అయిన అమ్మాయిని చెడు ఉద్దేశంతో ఎందుకు చూస్తున్నావని మందలించబోయిన బాబాయ్​ని బీహార్​ యువకుడు కత్తితో దాడిచేసి హతమార్చిన ఘటన బాలాపూర్​ పోలీస్​స్టేషన్​ పరిధిలో ఆలస్యంగా వెలుగులోకి వచ్చింది. బాబాయ్​పై దాడి చేస్తుండగా అడ్డుకోబోయిన కూతురిపై సైతం కత్తితో దాడికి తెగబడిన ఘటన తీవ్ర కలకలం రేపుతుంది. బాలాపూర్​ ఇన్​స్పెక్టర్​ భాస్కర్​ తెలిపిన వివరాల ప్రకారం .. ఛత్తీస్​ ఘడ్​ బస్తర్​ జిల్లాకు చెందిన ఉర్మిళ కశ్యప్​ (22) గత కొంత కాలంగా కొంతమంది స్థానికులతో కలిసి మల్లాపూర్​ ప్రాంతంలో ప్లేఉడ్​ డోర్స్​ కార్ఖానా లో పనిచేస్తూ వరుసకు బాబాయ్​ అయిన ఖాన్​కుడి కశ్యప్​(30)తో కలిసి ఉంటుంది. వీరి పక్కనే నివసించే బీహార్​కు చెందిన బంటి అనే యువకుడు ఉర్మిళ కశ్యప్​ను చెడు ఉద్దేశ్యంతో చూసేవాడు.

ఈ నెల 4వ తేదీన రాత్రి 10.30గంటల సమయంలో మరోసారి బంటి ఆమెను చెడు ఉద్దేశ్యంతో చూడడంతో సదరు యువతి దుర్భాషలాడింది. అప్పుడే ఇంటికి వచ్చిన బాబాయ్​ ఖాన్​కుడి కశ్యప్​ కు జరిగిన విషయాన్ని చెప్పింది. దీంతో ఖాన్​కుడి కశ్యప్​ పక్కనే ఉండే బంటిని ప్రశ్నించాడు? అప్పటికే బంటి మద్యం సేవించి ఖాన్​ కూడితో గొడవకు దిగాడు. ఇరువురి మధ్య మాటమాట పెరగడంతో కోపోద్రిక్తుడైన బంటి కూరగాయాలు కట్​ చేసే కత్తితో అతనిపై దాడిచేశాడు. అడ్డుకోబోయిన ఉర్మిళపై కూడా కత్తితో దాడిచేశాడు. తీవ్ర గాయాలపాలైన ఖాన్​కుడి కశ్యప్​ చికిత్స నిమిత్తం ఆసుపత్రికి తరలించగా అప్పటికే ఆయన మృతిచెందినట్లు డాక్టర్లు ధృవీకరించారు. ఉర్మిళకు చేతికి కత్తిగాయాలయ్యాయి. ఆమె ఆసుపత్రిలో చికిత్స పొందుతుంది. బాధితులు ఇచ్చిన ఫిర్యాదు మేరకు బాలాపూర్​ పోలీసులు కేసును నమోదు చేసుకుని దర్యాప్తు చేస్తున్నారు.

Next Story