AP Politics:జగన్‌పై దాడిని టీడీపీకి ఆపాదించే కుట్ర: టీడీపీ నేత

దిశ,వెబ్‌డెస్క్: రాష్ట్రంలో ఎన్నికల వేళ అన్ని పార్టీల మధ్య మాటల యుద్ధం కొనసాగుతోంది. ఇటీవల ముఖ్యమంత్రి పై జరిగిన రాళ్ల దాడి ఏపీ రాజకీయాల్లో సంచలనం సృష్టిస్తోంది. ఈ ఘటనపై ఎట్టకేలకు టీడీపీ నేత బోండా ఉమామహేశ్వరరావు స్పందిస్తూ..సంచలన వ్యాఖ్యలు చేశారు. సీఎం జగన్ పై దాడిని టీడీపీకి ఆపాదించే కుట్ర జరుగుతోందని ఆ పార్టీ నేత బోండా ఉమామహేశ్వరరావు ఆరోపించారు. కావాలనే టీడీపీ నేతలు, కార్యకర్తలను టార్గెట్ చేస్తున్నారు. ఆ దాడికి మాకు ఎలాంటి సంబంధం లేదని చెప్పారు. మాజీ మంత్రి వెల్లంపల్లి కాలికి గాయం అయితే..కంటికి కట్టు కట్టుకున్నారు. ఆయనకు దమ్ముంటే పబ్లిక్‌గా కంటి పరీక్షలు చేయించుకోవాలన్నారు. సానుభూతి రాజకీయాల కోసమే సీఎం జగన్ నాటకాలు ఆడుతున్నారు అని మండిపడ్డారు.