దిశ, వెబ్‌డెస్క్: ఇటీవల రష్యా చేసిన రాకెట్ల దాడిలో భారీ సంఖ్యలో ఉక్రెయిన్ సైనికులు మరణించినట్లు వెల్లడించింది. తూర్పు ఉక్రెయిన్‌లోని భవనాలపై భారీ రాకెట్ల దాడిలో 600 మందికి పైగా ఉక్రెయిన్ సైనికులు హతమైనట్లు రష్యా రక్షణ మంత్రిత్వ శాఖ ఆదివారం తెలిపింది. డాన్‌బాస్ ప్రాంతంలో ఉక్రెయిన్ దాడులకు పాల్పడగా.. దానికి ప్రతీకార చర్యగా క్రామాటోర్స్క్ నగరంలో ఉన్న సైనికులు ఈ దాడి చేసింది. ఆ దాడుల్లో రష్యా 89 మంది సైనికులను కొల్పోయింది. దీంతో రష్యా సహించలేక ఉక్రెయిన్ సైనిక భవనాలపై రాకెట్ల దాడికి పాల్పడింది. ఈ దాడిలో డార్మిటరీ రూమ్ నెం.28 లో 700 మందికి పైగా ఉక్రెయిన్ సైనికులు ఉన్నారని, మరో రూమ్‌లో 600 మందిలో ఉంటున్నారని తెలిపింది. కాగా, అందులో దాదాపు 600 మంది ఉక్రెయిన్ సైనికులు ప్రాణాలు కోల్పోవచ్చని రష్యా ఒక ప్రకటనలో వెల్లడించింది.