టీకా వేసుకున్న సీరం సీఈవో పూనావాలా

న్యూఢిల్లీ: కొవిషీల్డ్ టీకా ఉత్పత్తి చేస్తున్న పూణెకు చెందిన సీరం ఇన్‌స్టిట్యూట్ ఆఫ్ ఇండియా సీఈవో అదర్ పూనావాలా వ్యాక్సిన్ వేసుకున్నారు. కొవిషీల్డ్ టీకా వేసుకుంటున్న ఓ వీడియోను ట్విట్టర్‌లో పోస్టు చేశారు. ప్రపంచంలోనే అతిపెద్ద టీకా పంపిణీ కార్యక్రమం విజయవంతంగా సాగాలని ఆశాభావం వ్యక్తం చేశారు. ఈ చరిత్రాత్మక ఘట్టంలో కొవిషీల్డ్ భాగమవడం గర్వంగా ఉన్నదని, టీకా సేఫ్టీ, సమర్థతపై భరోసానివ్వడానికి వైద్యసిబ్బందితోపాటుగా తానూ వ్యాక్సిన్ వేసుకుంటున్నట్టు ట్వీట్ చేశారు.