వడదెబ్బతో రెండు టన్నుల చేపలు మృత్యువాత!

దిశ, డైనమిక్ బ్యూరో: వడదెబ్బతో రెండు టన్నుల చేపలు మృత్యువాత పడిన ఘటన రంగారెడ్డి జిల్లాలో చోటు చేసుకుంది. రంగారెడ్డి జిల్లా మంచాల మండలం చిత్తాపూర్ గ్రామంలోని కామచెరువును నమ్ముకొని ఆ గ్రామంలోని కొందరు మత్స్యకారులు జీవనం సాగిస్తున్నారు. ఆ చెరువులోని చెపలను పట్టి అమ్ముకొని పూట వెల్లదీస్తున్నారు. ఈ వేసవిలో భానుడు నిప్పులు కురిపిస్తుండగా.. వడదెబ్బ కారణంగా దాదాపు రెండు టన్నుల చేపలు మృత్యువాత చెందాయి. దీంతో చెరువుపైనే ఆధారపడి జీవనం సాగిస్తున్న కొన్ని కుటుంబాలకు ఆధారం లేకుండా పోయినట్లు అయ్యింది. ఈ చెరువుపై ఆధారపడి రెండు వందల కుంటుంబాలు జీవనం సాగిస్తున్నామని, చేపలను బ్రతికించుకోవడం నీటి ఏర్పాటు చేసిన లాభం లేకుండా పోయిందని మత్స్యకారులు ఆవేధన వ్యక్తం చేస్తున్నారు. దీనిపై ప్రభుత్వం వెంటనే స్పందించి తమను జీవనాధారం కోల్పోయిన తమను ఆదుకోవాలని మత్స్యకారులు కోరుతున్నారు.