వాహనాలను ఆపి.. పిల్లిని రోడ్డు దాటించిన పోలీస్

దిశ, వెబ్ డెస్క్: ఓ ఐఎఫ్ఎస్ అధికారి సోషల్ మీడియాలో ఓ అరుదైన వీడియోను పోస్ట్ చేశారు. ఇప్పుడా వీడియో తెగ వైరలవుతోన్నది. సూపర్ పోలీస్ అంటూ ప్రశంసిస్తున్నారు.

విషయమేమిటంటే.. సుధా రామెన్ అనే ఐఎఫ్ఎస్ అధికారి తన ట్విట్టర్ ఖాతాలో ఓ వీడియోను పోస్ట్ చేశారు. ఓ అరుదైన సంఘటన ఆ వీడియోలో కనబడుతోన్నది. ఓ ప్రదేశంలో వాహనాలు వచ్చిపోతున్నాయి. ఆ సమయంలో ఓ పిల్లి రోడ్డు దాటలేక అక్కడే నిల్చోని ఉంది. ఇది గమనించి ఓ ట్రాఫిక్ పోలీస్ ఆఫీసర్ .. వాహనాలను నిలిపి ఆ పిల్లిని మెల్లగా రోడ్డు దాటించారు. ఈ వీడియోను చూసిన నెటిజన్లు సూపర్ పోలీస్ అంటూ కామెంట్లు పెడుతూ ప్రశంసిస్తున్నారు. ఈ సంఘటన విదేశాల్లో చోటు చేసుకున్నదని మరికొంతమంది పోస్ట్ లు పెడుతున్నారు.

tags: Sudha Ramen, IFS Officer, Video, Social Media, Viral, Traffic Police, Cat