పెరగనున్న ఇళ్ల ధరలు.. ఎంతంటే!?
వచ్చే నెల నుంచి మొదలు కానున్న 2023-24 ఆర్థిక సంవత్సరంలో దేశవ్యాప్తంగా ఇళ్ల ధరలు 5 శాతం పెరిగే అవకాశం ఉందని ప్రముఖ రేటింగ్ ఏజెన్సీ సంస్థ ఇండియా రేటింగ్స్ అండ్ రీసెర్చ్ వెల్లడించింది.
న్యూఢిల్లీ: వచ్చే నెల నుంచి మొదలు కానున్న 2023-24 ఆర్థిక సంవత్సరంలో దేశవ్యాప్తంగా ఇళ్ల ధరలు 5 శాతం పెరిగే అవకాశం ఉందని ప్రముఖ రేటింగ్ ఏజెన్సీ సంస్థ ఇండియా రేటింగ్స్ అండ్ రీసెర్చ్ వెల్లడించింది. ఈ ఏడాదిలో ఇప్పటికే ఇళ్ల ధరలు 8-10 శాతం పెరిగాయని తెలిపింది. నిర్మాణ ఖర్చులు భారం కావడం, గృహ రుణాలపై వడ్డీ రేట్లు పెరగడం, దేశీయ-అంతర్జాతీయంగా కొనసాగుతున్న అధిక ద్రవ్యోల్బణ పరిస్థితుల మధ్య స్థిరాస్తి రంగం మెరుగైన వృద్ధిని సాధించింది.
అయితే మాంద్యం భయాలు, ద్రవ్యోల్బణం వల్ల డిమాండ్‌పై ప్రతికూల ప్రభవం చూపాయని, ఈ ఏడాది ద్వితీయార్థంలో గిరాకీ పెరిగే వీలుందని ఇండియా రేటింగ్స్ అభిప్రాయపడింది. ధరలు పెరిగినప్పటికీ వచ్చే ఆర్థిక సంవత్సరంలో ఇళ్ల అమ్మకాలు 9 శాతం మేర పెరగవచ్చని అంచనా వేసింది. క్రమంగా పెరుగుతున్న నిర్మాణ ఖర్చుల వల్ల డెవలపర్లు సవాళ్లు ఎదుర్కొంటున్నారు. ద్రవ్యోల్బణ పరిస్థితులను అధిగమించేందుకు ఇప్పటికే కొంతవరకు ధరలు పెంచగ, వడ్డీ రేట్ల పెంపు ధోరణి కొనసాగితే మరికొంత పెంచవచ్చని పేర్కొంది.
Also Read...