Nellore: బాణాసంచా కేంద్రంలో అగ్నిప్రమాదం.. ఇద్దరికి సీరియస్

దిశ, డైనమిక్ బ్యూరో: నెల్లూరు జిల్లా చేజర్ల మండలం మాముడూరు వద్ద బాణాసంచా కేంద్రంలో అగ్ని ప్రమాదం జరిగింది. ఈ ప్రమాదంలో ఐదుగురు తీవ్రంగా గాయపడ్డారు. క్షతగాత్రుల్లో ఇద్దరి పరిస్థితి విషమంగా ఉంది. గాయాలపాలైన వారిని స్థానికంగా ఉన్న ఆస్పత్రికి తరలించారు. బాధితులకు వైద్యులు చికిత్స అందిస్తున్నారు. ఈ ఘటనతో నెల్లూరు జిల్లాలో ఒక్కసారిగా కలకలం రేగింది. కేసు నమోదు చేసిన పోలీసులు విచారణ చేపట్టారు.