మొక్కలు నాటిన త్రిష

దిశ, వెబ్‌డెస్క్: స్మైలింగ్ క్వీన్ ‘త్రిష’ సామాజిక కార్యక్రమాల్లో ముందుంటుంది. ‘పెటా’కు అంబాసిడర్‌గా ఉంటూ పెంపుడు జంతువుల సంరక్షణ గురించి అవగాహన కార్యక్రమాల్లో పాల్గొన్న త్రిష.. తాజాగా మొక్కల పెంపకంపై అవగాహన కల్పిస్తూ చేపట్టిన గ్రీన్ ఇండియా చాలెంజ్‌ను స్వీకరించింది.

https://twitter.com/trishtrashers/status/1312295875046068224?s=19

ఎంపీ సంతోష్ శ్రీకారం చుట్టిన ఈ కార్యక్రమంలో ఇప్పటికే చాలా మంది తారలు పాల్గొంటూ అభిమానులను కూడా ఇందులో భాగస్వాములు కావాలని పిలుపునిచ్చిన సంగతి తెలిసిందే. ఈ క్రమంలోనే విలక్షణ నటుడు ప్రకాష్ రాజ్ కూడా గ్రీన్ ఇండియా చాలెంజ్‌ను స్వీకరించి మొక్కలు నాటాడు. ఆ తర్వాత త్రిష, సూర్య, రక్షిత్ శెట్టిలను ఈ చాలెంజ్‌కు నామినేట్ చేశాడు. కాగా ప్రకాష్ రాజ్ గ్రీన్ ఇండియా చాలెంజ్ స్వీకరించిన త్రిష.. తన నివాసంలో రెండు మొక్కలు నాటింది. మీరందరూ కూడా ఇందులో భాగస్వాములు కావాలని.. భారత్‌ను గ్రీనర్ ఇండియాగా తీర్చిదిద్దేందుకు కృషిచేయాలని పిలుపునిచ్చింది.