తన భర్త జీతం చెప్పాలంటూ.. ఆర్‌టీఐకు మహిళ లేఖ..
దిశ, వెబ్‌డెస్క్: భార్య భర్తల మధ్య అనేక విషయాల్లో దాపరికాలు ఉంటుంటాయి. వాటిలో భర్త జీతం ప్రధానంగా ఉంటుంది. అయితే ఓ మహిళ చేసిన పనికి ఆర్టీఐ అధికారులంతా షాకయ్యారు. తన భర్త జీతం ఎంతో చెప్పాలంటూ ఓ మహిళ ఆర్‌టీఐకు అప్లై చేసుకుంది. తన భర్త తన జీతం గురించిన విషయాలను తనకు చెప్పడం లేదని, కాబట్టి ఆర్టీఐ తనకు ఈ వివరాలు తెలపాలని ఆ మహిళ కోరింది. దీనిపై స్పందించిన అధికారులు ఆ మహిళ భర్త స్థూల, నికర పన్ను పరిధిలోకి వచ్చే ఆదాయాల వివరాలను 15 రోజుల్లో ఆమెకు తెలపాలని ఈ సెంట్రల్ పబ్లిక్ ఇన్ఫర్మేషన్ ఆఫీసర్ (సీపీఐఓ)ను అప్లికేషన్ అందుకున్న సెంట్రల్ ఇన్ఫర్మేషన్ కమిషన్ (సీఐసీ) ఆదేశించింది.
అయితే ఇదే విషయంపై ఆ మహిళ సీపీఐఓ, ఎఫ్ఏఏకు గతంలో కూడా అప్లికేషన్ దాఖలు చేసుకుంది. కానీ ఆ అప్లికేషన్లను ఆయాన డిపార్ట్‌మెంట్ కొట్టవేశాయి. అయితే ప్రస్తుతం ఈ విషయం నెట్టింట తెగ వైరల్ అవుతుండటంతో నెటిజన్లు కామెంట్ల వర్షం కురిపిస్తున్నారు. ఇకపై భర్తలు తమ జీతాల విషయంలో మరింత జాగ్రత్తగా ఉండాలని, ఆర్టీఐ కూడా భర్తలపై కనికరం లేకుండా భార్యలకు వివరాలు ఇచ్చేస్తుందని నెటిజన్లు కామెంట్లు రాసుకొస్తున్నారు.
