BSP జిల్లా అధ్యక్షుడి భార్య మిస్సింగ్.. ఇందులో పెద్ద వాళ్ల హస్తం ఉందంటూ సెల్ఫీ వీడియో

by Disha Web |
BSP జిల్లా అధ్యక్షుడి భార్య మిస్సింగ్.. ఇందులో పెద్ద వాళ్ల హస్తం ఉందంటూ సెల్ఫీ వీడియో
X

దిశ, తాండూరు: భార్య ఆచూకీ లభించలేదని పిల్లలతో పాటు భర్త అజ్ఞాతంలోకి వెళ్లిన ఘటన తాండూరు పట్టణంలో కలకలం రేపుతోంది. వివరాల్లోకి వెళితే.. పట్టణానికి చెందిన దొరాశెట్టి సత్యమూర్తి బహుజన సమాజ్ పార్టీ జిల్లా అధ్యక్షుడిగా పనిచేస్తున్నారు. ఆయన భార్య అన్నపూర్ణ గత 5 నెలల క్రితం ఇంట్లో నుండి వెళ్ళిపోయింది. బంధువుల దగ్గర, స్నేహితుల దగ్గర వెతికినా ఆచూకీ లభించలేదు. దీంతో రెండ్రోజుల తర్వాత స్థానిక పోలీస్ స్టేషన్‌లో ఫిర్యాదు చేశారు. ఆచూకీ తెలిపిన వారికి రూ.5 లక్షల బహుమానం కూడా ప్రకటించారు. అయినా, భార్య ఆచూకీ విషయంలో ఎలాంటి సమాచారం లేకపోవడంతో కన్నీరుమున్నీరుగా విలపిస్తూ.. పిల్లలతో పాటు భర్త ఓ వీడియో చేసి సోషల్ మీడియాలో పోస్టు చేశారు. ''అమ్మా.. ఎక్కడున్నావమ్మా'' అంటూ ఆ వీడియోలో చిన్నారులు రోధించడం అందరినీ కలచివేస్తోంది.

ఈ క్రమంలో పోలీసులకు సత్యమూర్తి డెడ్‌లైన్‌ పెట్టారు. 48 గంటల్లో తన భార్య ఆచూకీ కనిపెట్టాలని, లేకపోతే తాను పిల్లలతో కలిసి ఆత్మహత్య చేసుకుంటానని వీడియోలో పోలీసులకు డెడ్‌లైన్ పెట్టారు. అంతేగాక, ఇందులో పెద్దవాళ్లు ఇన్వాల్వ్ అయి ఉన్నారని అనడం, పక్కా ప్లాన్‌తోనే ఇంటినుంచి వెళ్లిపోయిందని చెబుతుండడం పలు అనుమానాలకు తావిస్తోంది. తన భార్య అన్నపూర్ణ మిస్సింగ్ కేసు వెనకాల పెద్ద కుట్రే ఉందని స్వయంగా భర్త సత్యమూర్తే చెప్పడంతో జిల్లా వ్యాప్తంగా ఈ విషయం హాట్‌ టాపిక్‌గా మారింది. విషయం తెలిసి అప్రమత్తమైన పోలీసులు గాలిస్తున్నారు. 48 గంటల్లో ఆచూకీ కనిపెడతారో లేదో వేచి చూడాలి.

అక్రమ సంబంధం పెట్టుకున్న షారుఖ్.. నిజాలు బయటపెట్టిన నిర్మాత

కంటెంట్ రైటర్లు కావాలి!
సంచలన కథనాలతో తెలుగు రాష్ట్రాల్లో దూసుకుపోతున్న దిశ వెబ్‌సైట్‌లో పని చేయడానికి సీనియర్, జూనియర్ కంటెంట్ రైటర్లు కావాలి.
పొలిటికల్, వైరల్, సినిమా, బిజినెస్, లైఫ్‌స్టైల్ కంటెంట్ రాసే వారికి ప్రాధాన్యం ఉంటుంది. ప్రతిభను బట్టి వేతనం ఉంటుంది.
ఆసక్తి ఉన్నవాళ్లు నెంబరు 79958 66670 కు తమ బయోడేటా వాట్సాప్ చేయండి. లేదా
వాకిన్ ఇంటర్వ్యూ కోసం కింది అడ్రస్‌లో సంప్రదించగలరు.
దిశ, ఫస్ట్ ఫ్లోర్, లుంబిని రాక్‌డేల్ ఈనాడు ఆఫీసు వెనకాల సోమాజీగూడ, హైదరాబాద్.

Next Story

Most Viewed