Vaibhav Suryavanshi : నిరాశపర్చిన వైభవ్ సూర్యవంశీ
శ్రీలంక వేదికగా జరుగుతున్న శ్రీలంక 'ఏ', భారత్ 'ఏ' జట్ల మధ్య మ్యాచ్లో యువ క్రికెట్ సంచలనం ఏళ్ల వైభవ్ సూర్యవంశీ తీవ్రంగా నిరాశపరిచాడు.
దిశ, వెబ్ డెస్క్ : శ్రీలంక వేదికగా జరుగుతున్న శ్రీలంక 'ఏ', భారత్ 'ఏ' జట్ల మధ్య మ్యాచ్లో భారత యువ క్రికెట్ సంచలనం, 15 ఏళ్ల వైభవ్ సూర్యవంశీ ఆశించిన స్థాయిలో రాణించలేకపోయాడు. ఇటీవల ముగిసిన ఐపీఎల్ 2026 సీజన్లో తన అద్భుతమైన ఆటతీరుతో దేశవ్యాప్తంగా అందరి దృష్టిని ఆకర్షించిన వైభవ్పై ఈ మ్యాచ్లో భారీ అంచనాలు నెలకొన్నాయి. అయితే, క్రీజులోకి వచ్చిన కాసేపటికే మెరుపు స్ట్రోక్స్ ఆడే ప్రయత్నంలో కేవలం 14 పరుగులు మాత్రమే చేసి ఆయన పెవిలియన్ చేరాడు. భారత్ 'ఏ' ఇన్నింగ్స్లో మొదటి వికెట్గా వెనుదిరిగి అభిమానులను కొంత నిరాశకు గురిచేశాడు.
భారత క్రికెట్లో అత్యంత పిన్న వయస్కుడైన ప్రతిభావంతుడిగా గుర్తింపు తెచ్చుకున్న వైభవ్ సూర్యవంశీకి ఇది ఒక చిన్న ఎదురుదెబ్బ అయినప్పటికీ, రాబోయే రోజుల్లో అతను పుంజుకుంటాడని క్రీడా విశ్లేషకులు భావిస్తున్నారు. ప్రస్తుతం ఈ మ్యాచ్లో ఓపెనర్ వైభవ్ త్వరగానే అవుట్ కావడంతో, క్రీజులోకి రాబోయే భారత్ 'ఏ' జట్టులోని ఇతర సీనియర్, యువ బ్యాట్స్మెన్లు బాధ్యతాయుతంగా ఆడి జట్టుకు మంచి స్కోరు అందించాలని మేనేజ్మెంట్ ఆశిస్తోంది. మరోవైపు ఈ మ్యాచ్ లో ప్రభమన్ సింగ్ కూడా ఔట్ కావడంతో 11 ఓవర్లకు 52 పరుగుల స్కోర్ వద్ద ప్రియాన్స్, రుతురాజ్ క్రీజులో ఉన్నారు.
