కామన్వెల్త్ గేమ్స్‌లో అదరగొట్టిన రెజ్లర్స్

దిశ, వెబ్‌డెస్క్ : బర్మింగ్‌‌హామ్‌ కామన్వెల్త్ గేమ్స్‌లో భారత రెజ్లర్లు అదరగొట్టారు. భారత రెజ్లర్ సాక్షి మాలిక్, భజరంగ్ పూనియా, అన్షు మాలిక్.. అద్భుత విజయాలతో ఫైనల్‌కు దూసుకెళ్లారు. సాక్షి మాలిక్ 62 కేజీల మహిళల ఫ్రీ స్టైయిల్ విభాగంలో.. ఇంగ్లండ్‌కు చెందిన క్లేజీ బార్న్‌పై 10-0 తేడాతో భారీ విజయం అందుకుని ఫైనల్‌కి చేరుకుంది. మరో రెజ్లర్ భజరంగ్ పూనియా 65 కేజీల పురుషుల ఫ్రీ స్టైయిల్ సెమీ ఫైనల్లో.. మారిషస్‌కి చెందిన జీన్ గలిన్ జోరిస్‌ని ఓడించి ఫైనల్‌కి చేరాడు. 57 కేజీల మహిళల విభాగంలో పోటీ పడిన భారత రెజ్లర్ అన్షు మాలిక్.. తన ప్రత్యర్థి శ్రీలంకకు చెందిన నెత్మీ పోరుతోటగే పై 10-0 తేడాతో విజయం సాధించి ఫైనల్లోకి ప్రవేశించింది.