ఆశీర్వదించండి.. అభివృద్ధి ఏంటో చూపిస్తా : బడే నాగజ్యోతి
దిశ,ములుగు ప్రతినిధి : ములుగు ప్రాంత రుణం తీర్చుకుంటా మీ ఆశీర్వాదాలు నన్ను ఎమ్మెల్యే అభ్యర్థిగా నిలబెట్టాయి. మరోసారి ఆశీర్వదించండి అభివృద్ధి ఏంటో చూపిస్తా అని బీఆర్ఎస్ ఎమ్మెల్యే అభ్యర్థి బడే నాగజ్యోతి అన్నారు. సోమవారం తాడ్వాయి మండలంలోని తన జడ్పీటీసీ పరిధి గ్రామాలు కాలుపల్లి, కొండపర్తి తదితర గ్రామాల్లో ఆమె పర్యటించారు. ఈ సందర్భంగా నాగజ్యోతి మాట్లాడుతూ అధికార పార్టీతో ఉంటేనే వేగంగా అభివృద్ధి చెందుతోంది అని,కాల్వపల్లి గ్రామస్తులతో పాటు ఈ చుట్టుపక్కల గ్రామాల్లోని ప్రజల ఆశీస్సులే నన్ను ఎమ్మెల్యే అభ్యర్థిగా నిలబెట్టాయని మరోసారి ఆశీర్వదించి అసెంబ్లీకి పంపించాలని అన్నారు.
జడ్పీటీసీగా గెలిపించి ఆశీర్వదించడం వల్ల ఈ ప్రాంతంలో కొంత మేరకు అభివృద్ధి చేయగలిగానని ఎమ్మెల్యేగా ఆశీర్వదించి అసెంబ్లీకి పంపిస్తే వేగంగా అభివృద్ధి చేసి ఈ ప్రాంత ఋణం తీర్చుకుంటానని అన్నారు. ఈ సందర్భంగా వివిధ గ్రామాల ప్రజల సమస్యలు ఓపిగ్గా విన్న నాగజ్యోతి మాట్లాడుతూ మూడోసారి అధికారంలోకి రానున్నది బీఆర్ఎస్ పార్టీ అని, అధికార పార్టీతోనే ఉంటేనే ములుగు నియోజకవర్గం వేగంగా అభివృద్ధి చెందుతుందని అన్నారు. ఈ ప్రాంతానికి పోడు పట్టాలు ఇప్పించిన ఘనత ముఖ్యమంత్రి కేసీఆర్ దేనని,గిరిజనేతరులు కూడా పోడు పట్టాలు ఇప్పించేందుకు కృషి చేస్తానని వెల్లడించారు. అసైన్డ్ భూములపై పూర్తిస్థాయి హక్కులు కల్పించేందుకు బీఆర్ఎస్ మేనిఫెస్టో లో పొందుపరిచినట్లు వెల్లడించారు. బీఆర్ఎస్ ప్రభుత్వాన్ని గెలిపించుకోవడం ద్వారా సౌభాగ్య లక్ష్మి కింద పేద గృహిణులకు 3000 రూపాయల చెల్లించనున్నట్లు తెలిపారు.
ప్రతి ఇంటికి 400 రూపాయలకే గ్యాస్ సిలిండర్ అందించనున్నట్లు,6 గ్యారంటీల పేరుతో కొంతమంది కాంగ్రెస్ నాయకులు ఓట్లు అడిగేందుకు వస్తున్నారని గ్యారంటీల హామీ నెరవేర్చే సీఎం ఎవరో గ్యారెంటీ లేదని నాగజ్యోతి విమర్శించారు.తెలంగాణ రాష్ట్రం ఏర్పడ్డాక విద్యుత్ ఉత్పత్తిని పెంచుకోగలిగామని కాంగ్రెస్ వస్తే మూడు గంటలే కరెంటు ఇస్తామంటున్నారని 24 గంటల కరెంటు కావాలా మూడు గంటల కరెంటు కావాలా ప్రజలే తెలుసుకోవాలన్నారు. ఈనెల 30వ తారీకు తేదీన జరిగే ఎన్నికల్లో తనకు ఓటు వేసి ఆశీర్వదించాలని ఓటర్లకు విజ్ఞప్తి చేశారు.
