చిన్నారుల్లో డిప్తీరియా దడ

దిశ, తెలంగాణ బ్యూరో: చిన్నారుల్లో డిప్తీరియా వ్యాధి దడ పుట్టిస్తోన్నది. గత రెండు నెలల నుంచి ఈ కేసుల సంఖ్య పెరుగుతున్నట్లు కేంద్ర వైద్యారోగ్యశాఖ అంచనా వేసింది. 2015లో దేశ వ్యాప్తంగా కేవలం 35 శాతం మంది చిన్నారుల్లో తేలగా, ఇప్పుడు ఏకంగా 65 శాతానికి పెరిగినట్లు ఆఫీసర్లు అంచనా వేశారు. గడిచిన రెండు సంవత్సరాలుగా కొవిడ్​కారణంతో స్కూళ్లన్నీ బంద్​చేయబడ్డాయి. దీంతోనే వ్యాధి పెరిగి ఉండవచ్చనే అభిప్రాయం వ్యక్తం అవుతున్నది. దీంతో కేంద్ర ప్రభుత్వం ఆదేశాలతో సోమవారం నుంచి డిప్తీరియా నిర్మూలనకు ఇచ్చే టీడీ వ్యాక్సిన్​ల డ్రైవ్ ను షురూ చేయనున్నారు.10 నుంచి 16 ఏళ్ల పిల్లలకు ఈ టీకా ఇవ్వనున్నారు. రాష్ట్ర వ్యాప్తంగా సుమారు 14 లక్షల మందికి పంపిణీ చేయనున్నట్లు స్పష్టం చేశారు. ప్రభుత్వ, ప్రైవేట్ స్కూళ్లలో ఈ టీకాను పంపిణీ చేయనున్నారు. దీంతోపాటు ప్రాథమిక ఆరోగ్య కేంద్రాలలో పంపిణీ చేయనున్నారు. పిల్లల లెప్ట్​హ్యాండ్​కు 0.5 ఎంఎల్ డోసు ఇవ్వనున్నారు. కొరినే బ్యాక్టిరీయా డిప్తీరియా అనే బ్యాక్టీరితో ఈ వ్యాధి వస్తుంది. ఈ వ్యాధితో బాధపడుతున్న పిల్లలు దగ్గినప్పుడు, తుమ్మినప్పుడు గాలి తుంపర్ల ద్వారా ఈ వ్యాధి మరోకరికి వ్యాపిస్తుంది. ఎక్కువ జనసాంద్రత ఉన్న ప్రాంతాలలో భారీగా వ్యాప్తి ఉంటుంది. చిన్న పిల్లలలో వ్యాధి నిరోధక టీకాలు సక్రమంగా ఇవ్వకపోవడంతో వ్యాధి నిరోధక శక్తి తగ్గి ఈ వ్యాధి సోకుతుందని డాక్టర్లు చెబుతున్నారు.