పెండింగ్​పనులు నెల రోజుల్లో పూర్తి చేయాలి: సబిత ఇంద్రారెడ్డి

by Disha Web Desk 23 |
పెండింగ్​పనులు నెల రోజుల్లో పూర్తి చేయాలి:  సబిత ఇంద్రారెడ్డి
X

దిశ, బడంగ్​పేట్​: మహేశ్వరం నియోజకవర్గం పరిధిలోని బడంగ్​పేట్​, మీర్ పేట్ ​కార్పొరేషన్ పరిధిలో పనులను వేగవంతం చేయాలని విద్యా శాఖ మంత్రి సబితా ఇంద్రారెడ్డి అధికారులకు ఆదేశించారు. ఆయా కార్పొరేషన్ల అభివృద్ధి పనులకు సంబంధించి ప్రజాప్రతినిధులు, అధికారులతో మంత్రి సబితా ఇంద్రారెడ్డి సోమవారం సమీక్ష సమావేశం నిర్వహించారు. ఈ సందర్భంగా మంత్రి సబితా ఇంద్రారెడ్డి మాట్లాడుతూ పెండింగ్ పనులను నెల రోజుల్లో పూర్తి చేయాలని అధికారులకు ఆదేశించారు. వివిధ పనులకు సంబంధించి రోడ్ల పక్కన తవ్వి పూడ్చకుండా వదిలేస్తే కఠిన చర్యలు తీసుకోవాలని ఆదేశించారు. పనుల నాణ్యతలో రాజీపడవద్దని,ప్రజాప్రతినిధులు కూడా వాటిని తనిఖీ చేయాలన్నారు. ప్రతి పనికి సంబంధించిన ఒక నిర్ణీత గడువు పెట్టుకొని పూర్తి చేయాలన్నారు. ఆయా డివిజన్లలో చేపట్టాల్సిన పనులకు సంబంధించి ప్రతిపాదనలు సిద్ధం చేయాలని ఆదేశించారు. ఆయా కార్పొరేషన్లలో 13 కోట్ల 80 లక్షల బీటీ రోడ్డు పనులకు మంజూరు చేయించినట్లు మంత్రి తెలిపారు. ఈ సమావేశంలో మీర్ పేట్ మేయర్ దుర్గా దీప్లాల్ చౌహన్​, బడంగ్​పేట్​ డిప్యూటీ మేయర్ ఇబ్రహం శేఖర్ ,మున్సిపల్ కమిషనర్లు,కార్పొరేటర్లు,అధికారులు పాల్గొన్నారు.



Next Story