బీఆర్ఎస్ తోనే గ్రామాల అభివృద్ధి : అంజయ్య యాదవ్
దిశ, నందిగామ : బీఆర్ఎస్ తోనే గ్రామాలు అభివృద్ధి చెందాయని ఎమ్మెల్యే అభ్యర్థి అంజయ్య యాదవ్ అన్నారు. సోమవారం నందిగామ మండలం అప్పారెడ్డి గూడ. చర్లఅంత రెడ్డి గూడా వీర్లపల్లి, మామిడిపల్లి, పలు గ్రామాలలో ఎమ్మెల్యే అభ్యర్థి అంజయ్య యాదవ్ విస్తృత ప్రచారం నిర్వహించారు. ఈ సందర్భంగా ఆయన మాట్లాడుతూ తెలంగాణ రాష్ట్రం ఏర్పడిన తర్వాత ఎన్నో గ్రామాలు రహదారులు, సీసీ రోడ్లు ఎంతో అభివృద్ధి చేశామని తెలిపారు. అదేవిధంగా మిషన్ కాకతీయ, మిషన్ భగీరథ, 24 గంటల కరెంట్, కళ్యాణ లక్ష్మి , షాదీ ముబారక్ మరెన్నో సంక్షేమ పథకాలు కేసీఆర్ ప్రవేశ పెట్టారని పేర్కొన్నారు. మరొక సారి ప్రజలు ఆశీర్వదించి భారీ మెజార్టీతో గెలిపించాలని ఓటర్లను కోరారు. ఈ కార్యక్రమంలో జడ్పీ వైస్ చైర్మన్ ఈటా గణేష్, మాజీ జడ్పీ వైస్ చైర్మన్ నవీన్ రెడ్డి, కడంపల్లి శ్రీనివాస్ గౌడ్, జగన్మోహన్ రెడ్డి, మంజుల రెడ్డి, నారాయణరెడ్డి, గొల్లపల్లి అశోక్, వివిధ గ్రామాల సర్పంచులు, ఎంపీటీసీలు, పార్టీ కార్యకర్తలు, తదితరులు పాల్గొన్నారు.
