విఘ్నేశ్వరునికి తప్పని రోడ్డు తిప్పలు

దిశ,తుంగతుర్తి: కొలువై ఉండడానికి వెళుతున్న విఘ్నేశ్వరునికి సైతం రోడ్డు తిప్పలు తప్పలేదు. శిథిలమైన రోడ్డుపై ఉన్న గుంతలకు ట్రాక్టర్ పై ఉన్న విఘ్నేశ్వరుడు కింద పడి విరిగిపోయే పరిస్థితి రాగా కొందరు తోడుగా నిలిచారు. చివరికి యథావిధిగా గ్రామానికి చేరుకొని పూజలందుకుంటున్నారు. తుంగతుర్తి మండలం రావులపల్లి గ్రామ పరిధిలోని చౌళ్ళతండాకు ఉన్న రహదారి పూర్తిగా ధ్వంసమై దారుణంగా మారింది. రహదారిపై పెద్ద పెద్ద గోతులు ఏర్పడ్డాయి. చివరికి వర్షం వస్తే అక్కడి గిరిజనులు నడవలేని పరిస్థితి. ఈ విషయం అధికారులకు,ప్రజాప్రతినిధులకు చెప్పిన సమస్య పెండింగ్ లోనే ఉందని ప్రజలు వాపోతున్నారు.